КіруХАДИША ТЕАТРЫНЫҢ КӨРКЕМДІК ЖЕТЕКШІСІ «ДАРЫН» МЕМЛЕКЕТТІК ЖАСТАР СЫЙЛЫҒЫНЫҢ ИЕГЕРІ АТАНДЫ
Х. Бөкеева атындағы облыстық қазақ драма театрының көркемдік жетекшісі Жасқайрат Валиуллиев «Дарын» мемлекеттік сыйлығының иегері атанды. Сүйінші хабарды театрдың ақпарат бөлімі хабарлады.
Мемлекеттік сыйлық ғылыми, шығармашылық және журналистика, қоғамдық саладағы жемісті еңбек үшін, сондай-ақ спорттағы зор жетістіктер үшін тағайындалады. Биыл аталмыш марапатты еліміздің әр саласында еңбек етіп жүрген 19 жас иеленді.
Жасқайрат Сәбитұлы «Театр және кино» аталымы бойынша үздік деп танылды.
Жайқайрат Валиуллиев 2008-2012 жылдары Құрманғазы атындағы саз колледжінің «Виолончель» аспабы мамандығын, кейін 2012-2016 жылдары Т.Жүргенов атындағы Қазақ Ұлттық өнер академиясынан «Музыкалық театр жәнн кино әртісі» мамандығын оқыды. 2016 жылдың қыркүйегінен Х.Бөкеева атындағы облыстық қазақ драма театрында актер, 2019 жылдан көркемдік жетекші қызметін атқарып келеді.
Өнер саласында табысты еңбек етіп жүрген актер 2018 жылы Қазақстан Театрлар Ассоциациясының «Сахнагер – 2018» Ұлттық театр сыйлығы «Үміт» номинациясы бойынша марапатталды. Өткен жылы «Өнер Саласының үздігі» төсбелгісін иеленді және облыстық жастар сыйлығының «Жыл үздігі – 2019» жастар сыйлығының иегері атанды.
Айта кетейік, Қазақстан Республикасы Үкіметінің «Дарын» мемлекеттік жастар сыйлығының 2020 жылға арналған мөлшері әр номинация бойынша 600 000 теңге.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу