КіруЕРТЕҢНЕН БАСТАП №35 МАРШРУТ БАҒЫТЫ БОЙЫНША 10 АВТОБУС ҚАТЫНАЙДЫ
Құрметті қала тұрғындары!
Бұған дейін «Алый парус» ЖШС компаниясы №35-ші «№5-ші Емхана – Жайық өзенінің жағалауы» бағытындағы қалалық маршрутына үлкен класты автобустармен қызмет көрсетті. Жолаушыларды тасымалдаушы кәсіпорынның шығындарына байланысты аталмыш маршрут жұмысы тоқтатылды.
Соның салдарынан тұрғындар тарапынан көптеген шағымдар келіп түсті. Ағымдағы жылдың 3 ақпанында қала әкімінің орынбасары Асхат Көлбаев №35-ші маршрут мәселесі бойынша тұрғындармен кездесу өткізіп, бір апта ішінде 2-ші жұмысшы ауданын қоғамдық көлікпен қамтамасыз ету туралы шешім қабылдады. Қала әкімдігі тарапынан тасымалдаушы кәсіпорын басшысымен жұмыс жүргізілді.
Нәтижесінде, 11 ақпаннан бастап аталған маршрутқа 15 минут аралықпен шағын класты 10 автобус қою міндеттелді. Егер маршрут жиілігі бұзылған жағдай анықталса, қалалық ТҮКШ, ЖК және АЖ бөлімінің 50-04-02 нөміріне қоңырау шала аласыздар.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу