КіруЕКІ НАУҚАСТЫҢ БІРІ – РЕСЕЙДЕН, ЕКІНШІСІ – АТЫРАУДАН КЕЛГЕН
Батыс Қазақстан облысында тіркелген коронавирус инфекциясын жұқтырған екі науқастың бірі Ресейден, екіншісі Атырау облысынан келген. Бұл туралы Батыс Қазақстан облысындағы эпидемиологиялық ахуалы туралы жергілікті «Aqjaiyq» телеарнасына жедел эфирге шыққан облыстың бас дәрігері Болатбек Қаюпов мәлімдеді.
Коронавирус инфекциясы анықталған екі науқас та БҚО тұрғындары. Қазіргі уақытта олар облыстық жұқпалы аурулар ауруханасына жатқызылған.
БҚО мемлекеттік бас санитарлық дәрігері Мұхамғали Арыспаевтың айтуынша, екі науқастың бірі 24 наурыз күні Ресейден келген. Шекарадан өткен күннен бастап үй жағдайында оқшауланған. Арада 4-5 күн өткенде аурудың алғашқы белгілері байқалып, ол алдымен провизорлық стационарға жатқызылған. Екінші азаматша Атырау облысынан келген. Қос пациенттің талдау сынамалары лабораториялық ПЦР-тест жүйесінен өткізіліп, коронавирус инфекциясын жұқтырғаны расталған.
– Екі ошақтан да жақын қарым-қатынаста болған адамдардың тізімі анықталды. Олар провизорлық стационарға жатқызылды. Ал қашық қарым-қатынаста болғандар үйде оқшаулануда. Сондай-ақ эпидемиологтар жұмыс атқарып, үй-жайларында дезинфекция жұмыстарын жүргізуде, – деді Мұхамғали Арыспаев.
Облыстың бас дәрігері Болатбек Қаюповтың мәліметінше, екі науқастың да жағдайы жақсы. Жалпы облысымыз бойынша қазіргі уақытта провизорлық және карантиндік стационарда 65 адам бақылауда.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу