КіруЕҢ ТӨМЕНГІ ЗЕЙНЕТАҚЫ МӨЛШЕРІ – 43 272 ТЕҢГЕ
ҚР 2021-2023 жылдарға арналған республикалық бюджет туралы заңы негізінде Қазақстан Республикасында зейнетақымен қамсыздандыру туралы 21.06.2013 жылғы №105-V Заңының 4-бабы, 4-тармақшасына сәйкес 2021 жылдың 1 қаңтарынан бастап жасына байланысты және еңбек сіңірген жылдарына байланысты зейнетақы төлемдері 7 пайызға артты. Бүгін өңірлік коммуникациялар қызметі ұйымдастырған брифингте «Азаматтарға арналған үкімет» Мемлекеттік корпорациясы» коммерциялық емес акционерлік қоғамының Батыс Қазақстан облысы бойынша филиалы мамандары 2021 жылдың 1 қаңтарынан бастап зейнетақы және мемлекеттік әлеуметтік жәрдемақы төлемдерінің мөлшерінің арттырылуы туралы айтып берді.
«Азаматтарға арналған үкімет» МК КЕАҚ БҚО филиалының сарапшысы Динара Хайретдинова түсіндіріп өткендей, жыл басынан зейнетақы төмедерінің 7 пайызға артуымен ең төменгі зейнетақы мөлшері – 43 272 теңгені құрап отыр. Ал мемлекеттік базалық зейнетақылық төлем – 18 524 теңге болды. Бұл мемлекеттік базалық зейнетақы төлемі ең төменгі күнкөріс деңгейінің 54 пайызы. Яғни, зейнетақы жүйесіне еңбек өтілі 10 жылдан кем немесе 10 жыл болған жағдайда осы төлем тағайындалады. Ең төменгі күн көріс деңгейінің 54 пайызы – 18 524 теңге. Еңбек өтілінің артуына байланысты коэффиценттерді 2 пайызға арттыру арқылы көбейіп отырады. Максималды 33 жылдық еңбек өтілі болса, ең төменгі күнкөріс деңгейі 100 пайыз тағайындалады, ол 34 302 теңгені құрайды.
2021 жылдың 1 қаңтарынан бастап АЕК мөлшері – 2917.
Зейнетақы есептеуге арналған табыс мөлшері айлық есептік көрсеткіштің 46 есе мөлшерімен есептеледі. Яғни 134 182 теңгемен шектеледі.
Бүгінде БҚО бойынша есепте тұрған зейнетақы алушылар саны – 91052 адам.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу