Әділетті мемлекет

Желтоқсан айының 29-ы күні ҚР Президенті Қ.Ж.Тоқаевтың «Әділетті мемлекет. Біртұтас ұлт. Берекелі қоғам» Қазақстан халқына арналған Жолдауы аясында «ХХI ғасырдағы техникалық білім: басымдықтар мен ізденістер» атты ҚР Ұлттық инженерлік академиясының Батыс Қазақстан филиалының кеңейтілген жиналысы болып өтті.

Жиынды Қазақстанның инновациялық және телекоммуникациялар жүйелер университетінің ректоры Әліби Баяхов ашып, шараның қонақтарымен таныстырды.

Алдымен сөз алған Қазақстан Республикасы Ұлттық инженерлік академиясының вице-президенті, Қазақстанның жүз жаңа тұлғасы номинациясының иегері, Орал қаласының құрметті азаматы Ақсерік Әйтимов баяндама жасап, өзі басқаратын университеттегі жыл бойы атқарылған ауқымды жұмыс жайында кеңінен тоқталды. Сондай-ақ экономика ғылымдарының докторы, Мәскеу мемлекеттік университетінің және Хьюстон университетінің профессоры, құрметті академиялық ректоры Юрий Афонин, Қазақстанның инновациялық және телекоммуникациялық жүйелер университетінің академиялық ректоры Ливиу Терентий, «Жаңару» сыбайлас жемқорлыққа қарсы жалпыұлттық қозғалысы» РҚБ төрағасы Мэлс Семғалиев, техника ғылымдарының докторы, М.В.Ломоносов атындағы Мәскеу мемлекеттік университетінің профессоры Сергей Кибальников жаңалықтарымен ой бөлісіп, пікір алмасты.

Сондай-ақ жиын соңында сөз алған БҚО полиция департаменті басшысының орынбасары Талғат Арынов, «Батыс Қазақстан ауыл шаруашылығы қызметкерлерінің кәсіподағы» ҚБ төрағасы Амангелді Давлетжанов барлық жиынға қатысушыларды келе жатырған Жаңа жыл мерекесімен құттықтап, аталмыш университеттің ұстаздарына наградалар мен медальдар табыс етті.

Гүлжан Серікқызы

Версия для печати