КіруДЕЗИНФЕКЦИЯЛАУ 15 СӘУІРГЕ ДЕЙІН ЖАЛҒАСАДЫ
Бұл туралы бүгін Өңірлік коммуникациялар қызметінің «Aqjaiyq» телеарнасындағы баспасөз алаңында өткен брифингте айтылды.
Орал қаласы әкімінің орынбасары Мирас Мүлкәйдың мәліметінше, қаланы күнделікті залалсыздандыру жұмыстарына коммуналдық мекемелер жұмысшылары, төтеншеліктер, жеке дезинфекциялау кәсіпорындары жұмылдырылуда. Қаланың магистралды көшелері дезинфекциялануда.
Аталған жұмыстарға төтенше жағдайлар департаментінен 60 сарбаз бен үш арнайы техника, «Жайық таза қала» мекемесінен бес су шашу техникасы мен 20 жеке құрам бөлінеді. Күні бүгін ТЖ департаментінің күшімен Еуразия, Назарбаев даңғылдары, Құрманғазы, Мұхит, Сарайшық көшелеріне залалсыздандыру жұмыстары жүргізілді. Одан әрі жұмыс бригадалары Әбілқайыр хан даңғылы, Сырым Датов және Гагарин көшелерінде осы шараларды жалғастыруда. Сонымен қатар қаладағы 600-ге жуық қоқыс алаңдарында да дезинфекциялық жұмыстар жүргізілуде. Қалаішілік желідегі 400-дей автобус пен автобус парктерінің де тазалығы – күнделікті басты назарда.
107 пәтер иелері кооперативінің 76-сы дезинфекциялау жұмыстарына кірісіп кетті. Нәтижесінде 712 мың шаршы метр аумақ залалсыздандырылды. Сондай-ақ облыс орталығындағы демалыс саябақтарда төтенше жағдай кезінде дезинфекциялық жұмыстар жүргізілмек.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу