КіруБолашақ бағдарының жаңа мүмкіндігі
Президенттің жолдауында айқын, нақты тапсырмалармен міндеттер айтылды. Еліміздің болашақтағы бағдары нақтыланды. Ел басшысы Қ.К.Тоқаев бұрыннан халық арасында айтылып,шешімі табылмай жүрген мәселелерді атап өтті. Әсіресе, «Ұлттық қор – балаларға» , «Балаларға арналған алғашқы мақсатты капитал» шын мәртебеге ие болады. Ұлттық қордағы кірістің 50 пайызы 18 жасқа дейінгі балалардың шотына аударылады .Осы ауқымды бастаманы тыңғылықты пысықтау қажеттігін ескере отырып, жобаны 2024 жылдың 1 қаңтарынан бастап іске қосылатыны қуантарлық жәйт. «Ұлттық қор» ұлтқа шындап қызмет етеді деген сенімдеміз. Мемлекет басшысының бұл шешімі балалардың болашағына сенімділік береді. Халықтың әл – ауқаты әрқашан басты назарда тұрады. Әрбір отбасы елдің ұлттық байлығынан нақты үлес алуы керек,- деді Президент өз Жолдауында
Мұндай жаңа бастамалар халықтың қолдауына ие болары сөзсіз. Сайып келгенде,түпкілікті нәтижелер – әрбір қазақстандықтың әл -ауқатының сапалы, саналы өсуін қамтамасыз етуі керек.
Жолдаудың тағы бір ерекшелігі – әйел адамдардың зейнет жасы бойынша 2028 жылға дейін 61 жастан зейнеткерлікке шығу мәселесінің шешімін табуы. Бұл – аналардың жанайқайының билікке жетіп, нақты міндеттер айқындалғанын көрсетеді. Еліміздің әрбір азаматына қолдау болатын саяси бағдарлама деуге болады. Жолдауды жүзеге асыруға әр тұлға үлес қосса, ел болашағының жарқын боларына сенемін.
Гаухар ШАЙХИНИЯЗОВА
«АМАНАТ» партиясы Батыс Қазақстан облыстық филиалы қоғамдық қабылдау бөлімінің меңгерушісі.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу