«БІЛІМДІЛЕР ДОДАСЫ» АЛАҢЫНДА БАҚ ӨКІЛДЕРІ МЕН ӘЛЕУМЕТТІК ЖЕЛІ БЕЛСЕНДІЛЕРІ

БҚО ішкі саясат басқармасының қолдауымен Қазақстан инновациялық және телекоммуникациялық жүйелер университеті және «Орал жастарының бастамасымен ұйымдастырылып жүрген «Білімділер додасы» зияткерлік сайысына БАҚ өкілдері, баспасөз қызметкерлері мен әлеуметтік желі қолданушылары қатысты. Айтулы шара ҚР Тәуелсіздігінің 30 жылдық мерейтойы құрметіне орайластырылды.

«Білімділер додасына» бес топ қатысты. Өңірдегі әр үрлі БАҚ-тардың тілшілері «БҚО БАҚ өкілдері», «Тик-ток» әлеуметтік желісінің белсенділері, «Ақжайық» атауымен қатысқан журналистер мен әлеуметтік желі қолданушылары, «ТДК-42» телеарнасының ұжымы және облыстағы бірнеше мекеменің баспасөз қызметкерлерінің командасы жиналды.

Доданы журналистерден құралған «БҚО БАҚ өкілдері» командасы бастады. Көрермендермен қарсы ойындағы сауалдардан мүдірмеген команда жарыста осы команда бірінші орынға ие болды. «Астана» телеарнасының меншікті тілшісі Еркін Карин бастаған команда құрамында Орал қаласы әкімдігінің баспасөз қызметкері-тілші Гүлзинат Ибрагимқызы, «Жайық үні» газетінің тілшісі Эльмира Нұғманова, «Приуралья» газетінің тілшісі Арайлым Бекқалиева, «Орал өңірі» газетінің тілшісі Гүлсезім Бияшева болды.

Екінші орын «Ақжайық» атауымен қатысқан журналистер мен әлеуметтік желі қолданушылары шықса, үшінші орын «ТДК-42» телеарнасының тілшілері иеленді.

«Ақжайық» командасының мүшесі – Ақжайық ауданы Жамбыл ауылдық округінің әкімі, ҚР Президентінің жанындағы мемлекеттік басқару академиясының магистрі, əлеуметтік желіні белсенді қолданушы Ерболат Мұхтарұлы «Үздік ойыншы» атанды.

Жеңімпаз-жүлдегерлер БҚО ішкі саясат басқармасы басшысының атынан дипломдармен және арнаулы сыйлықтармен марапатталды. Жүлдегерлерді БҚО «Азаматтық Альянс» ЗТБ төрағасы Аслан Тапишев пен Орал қаласы жастар ресурстық орталығының басшысы Дулат Жүсіпқалиев құттықтады.

zhaikuni.kz

Версия для печати