КіруБІЛГІРЛЕР БӘЙГЕСІ
«Нұр Отан» партиясының 20 жылдығына орай батысқазақстандық жасотандықтар Х.Есенжанов атындағы облыстық балалар және жасөспірімдер кітапханасында «BILIMFEST» шарасы аясында «Білгірлер бәйгесі» зияткерлік сайысын ұйымдастырды.
Оқушылардың біліктіліктері мен ой-өрісін дамыту,ойлау қабілетін шыңдауға бағытталған бәсекеге №1, 36, 38, 43 қала мектептерінің 9-10 сынып оқушылары қатысты.
Алдымен ұрпақтар сабақтастығын қалыптастыру мақсатында жастар мен ақын, республикалық жыр мүшәйраларының жеңімпаз-жүлдегері, Жиембет жырау атындағы сыйлықтың иегері, «Ақберен» жас ақындар мектебінің жетекшісі Талап Таймасұлымен «Bookdating» форматында «Жырлайды жүрек» атты кездесу өтіп, ақын шығармашылығына арналған жас ақындардың өлең шумақтары оқылды.
Бұдан кейін «Заманауи қазақстандық білім берудегі педагог мәртебесі» республикалық лекциясы өтті. БҚО Жас Ұлан еріктілер ұйымының жетекшісі Шаттық Саматқызы, «Жыл үздігі – 2017» БҚО жастар премиясының «Үздік ұстаз» аталымының жеңімпазы, Орал қаласы «Робототехника» үйірмесінің жетекшісі Мақсотов Марс Мавлетұлы орталыққа жиналған оқушылар мен «Жас Отан» ЖҚ БҚО филиалының бөлімше жетекшілеріне бос уақыттарын тиімді ұйымдастыру, кітапханалармен «Bilim Ortalygy»-ындағы мол мүмкіндіктер туралы кеңінен айтып өтті.
Лекция дисскуссиялық отырысқа ұласып, «Ерікті.Лидер.Winner» атты көшбасшылық және топтық жұмыстарды қалыптастыруға бағытталған тренингпен өз жалғасын тапты. «Білім орталығы» аймақтық кітапханаларды заманауи білім беру орталығына айналдыру жобасы аясында өткен «BILIMFEST» ашық есік күніне 100-ден астам жастар мен жасөспірімдер қатысты.
Ерлік ШАМҒАЛИЕВ, «Жас Отан» ЖҚ БҚОФ менеджері
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу