КіруБАТЫС ҚАЗАҚСТАНДА КОРОНОВИРУС ИНФЕКЦИЯСЫН ЖҰҚТЫРҒАН ТАҒЫ БЕС АДАМ АНЫҚТАЛДЫ
Бүгін Батыс Қазақстан облысында коронавирус инфекциясын жұқтырған тағы бес адам анықталды. Барлығы өңір тұрғындары. Бірінші жағдайда, науқас Ресей Федерациясында вахталық әдіспен жұмыс жасайтын коронавирустық инфекция анықталған азаматпен бірге келген. Екінші азамат коронавирусқа шалдыққан науқаспен байланыста болған адам ретінде тіркелді. Соңғы 3 жағдай бойынша анықталған науқастар – Ресей Федерациясында вахталық әдіспен жұмыс істейтін азаматтар. Бұл туралы БҚО өңірлік коммуникациялар қызметі алаңындағы брифингте БҚО тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Нұрлыбек Мұстаев мәлімдеді.
– Ресеймен шекарадағы «Тасқала» бекетінде СКП қызметкерлерімен сауалнама толтырылып, байланыссыз термометриямен тексеру кезінде екеуінде дене қызуының көтерілуі байқалған. Бас мемлекеттік санитарлық дәрігердің 09.04.2020 жылғы №32 қаулысына сәйкес, COVID-19 зертханалық тексеру үшін жедел жәрдем көлігі шақыртылып, карантиндік стационарға жатқызылды. ПТР диагностикалық зерттеу қорытындысымен 5 пациентте де COVID-19 диагнозы нақтыланды. Қазіргі уақытта науқастар облыстық жұқпалы аурулар ауруханасына жатқызылды, – деді Нұрлыбек Ермекұлы.
Қазіргі таңда науқастармен қарым-қатынаста болған адамдар анықталуда. Ауру ошақтарында дезинфекциялық жұмыстар жүргізілуде. Эпидемияға қарсы іс-шаралар жалғасуда. Күні бүгінгі жағдай бойынша облысымызда COVID-19 коронавирус инфекциясын жұқтырғандар саны 25 адамға жетті.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу