КіруБҚО ӘКІМІ: «МАУСЫМ-ШІЛДЕ АЙЛАРЫНДА БОЛҒАН ҚИЫН ЖАҒДАЙДЫҢ ҚАЙТАЛАНУЫНА ЖОЛ БЕРМЕУІМІЗ КЕРЕК»
БҚО әкімі Ғали Есқалиев facebook-тегі парақшасына жазба қалдырып, облыс тұрғындарын сақтық шараларын ұмытпай, санитарлық талаптарды сақтауға, спортпен шұғылдануға шақырды.
«Құрметті батысқазақстандықтар, Бүгіннен бастап бірқатар карантиндік шектеулер алынып тасталады. Ірі сауда нысандары, кафелер мен мейрамханалар, қоғамдық көліктер және т.б. нысандар жұмыс істей бастады. Мыңдаған кәсіпкерлер жұмысын қайта бастайды. Алайда, әлеуметтік қашықтық, маскалық режим, дезинфекция жасау және т.б. санитарлық талаптар сақталады» деп жазды облыс басшысы өз парақшасында.
Сондай-ақ бір ай бойы өңірдегі дәрігерлерге көмек көрсекен ресейлік мамандарға алғысын жеткізді және вирусқа байланысты эпидемиологардың пікірін де халықтың қаперіне салды.
«Жақында жұқпалы аурулар ауруханаларында дәрігерлерімізге бір ай бойы көмектескен ресейлік мамандар өз елдеріне аттанды. Мен оларға көрсеткен көмегі мен жоғары кәсібиліктері үшін ризашылығымды білдіремін. Мен мұны тату көршілік қатынастың айқын көрінісі деп түсінемін. Ресейлік және біздің эпидемиологтардың жалпы пікірінше, коронавирус немесе басқа да жаңа вирустар біздің өміріміздің бір бөлшегі болып қала береді деген болжам айтуда. Карантиндік шаралар аурудың көбеюін тоқтатуға көмектесті. Бұл айқын факт. Енді бәріміз осы тұрақтылықты сақтап тұру қажетпіз. Алайда, алда қандай қиындықтар күтіп тұрғанын ешкім білмейді. Жылдың белгілі уақыттарында жұқпалы аурулардың саны күрт артып, келесі аурудың басталуына дейін төмендейтіні белгілі. Қоздырғыштардың тіршілігі мен белсенділігі, сондай-ақ адамның иммундық жүйесі табиғи факторларға – ауа температурасына, ылғалдылыққа, күн радиациясының қарқынына тікелей байланысты» деп жазды Ғали Нәжімеденұлы. Осы ретте жерлестерін санитарлық талаптарды сақтауға шақырды.
«Құрметті жерлестер! Мына қауіпті індеттен көпшілігіміз жақын адамдарымыздан айырылдық. Көбісі бұл аурудан әрең дегенде айығып шықты. Енді біз маусым-шілде айларында болған қиын жағдайдың қайталануына жол бермеуіміз керек. Біз, ең бастысы, инфекцияны адамдар көп шоғырланатын жерлерде жұқтыру әлдеқайда жоғары екенін түсінуіміз қажет. Сондықтан барлық сақтық шараларын ұмытпай, санитарлық талаптарды сақтауымыз, спортпен шұғылдануымыз керек. Дендеріңіз сау болсын, ағайын! Құрметпен, БҚО әкімі Ғали Есқалиев.» делінген өңір басшысының жазбасында.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу