КіруБҚО да -жүрек ауруы көбейген
29 қыркүйек – Бүкіләлемдік жүрек күніне орай, кардиология орталық базасында ашық есік күні өтті. Биылғы жылдың 9 айлық қорытындысы бойынша облыста жүрек-қан тамыр аурулары 4 пайызға өскен. – «Бұл көрсеткіш скрининг кезінде анықталды», – дейді медицина мамандары. Белгіленген меже 52 мың адамды құраса, бүгінде азаматтардың 91 пайызы тексерістен өтіп үлгерген. Облыста 92 мыңнан астам адам жүрек-қан тамыр ауруларымен есепте тұр. Биыл кардиология саласында өлім-жітім 17 пайызға азайған. Мұны мамандар «толыққанды материалдық базаның болуымен» байланыстырады. Кардиология орталығында жүрекке жасалатын оталарды қоспағанда, коронарографиялық зерттеулерді жүргізуге мүмкіндік бар. Бұл, бірінші кезекте науқастың уақытын үнемдейді. 2020-21 жылдары коронавирус індеті жүрек-қан тамыр аурулары бар тұрғындарға зиянын тигізген. Вирустың адам ағзасына енуінен бастап, қанды қоюлатуы – жүрек ауруына алып келуде.
Айнара ИСА
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу