КіруБҚО-ДАҒЫ ШАРУАЛАР КҮЗГІ ЖҰМЫСТАРДЫ ТИЯНАҚТАУДА
БҚО-да күзгі жиын-терін жұмыстары аяқтала келді. Облыста ауыл шаруашылығы дақылдарының алқабы 542 мың гектарды құрады. Мал азығы да қажетті мөлшерде жиналды. Ауыл шаруашылығын қолдауға бағытталған субсидиялау бағдарламалары жалғасуда. Бұл туралы БҚО ауыл шаруашылығы басқармасы басшысының орынбасары Денис Омашев айтып берді.
Биыл 232 мың гектарға дәнді дақыл, 123 мың гектар майлы дақыл, 9 мың гектар аумаққа картоп, бақша өнімдері өсірілсе, 183 мың гектарға мал азықтық дақылдар егілген. Егін орағының басында барлық қажетті техникалар дайындалып, 5000-ға тарта трактор, 1000-ға жуық комбайн және басқа ауыл шаруашылығы техникалары жұмылдырылды. Егін ору жұмыстарына Атырау мұнай өңдеу зауытынан бағасы литріне 167 теңгеден болатын 11 мың тонна арзандатылған дизель отыны алынған. Бұл Оралдағы Мұнай базалары арқылы бөлініп берілген. Облыс бойынша лицензиялы сегіз астық қабылдау кәсіпорыны бар, барлық астық қабылдау кәсіпорындары біліктілік талаптарына сәйкес келеді. Астық сақтау қоймаларының сыйымдылығы 514,8 мың тонна. Мамандардың сөзінше, бұл облыстағы жиналған астық, майлы дақылдарды сақтауға жеткілікті. Картоп және көкөніс, бақша дақылдары да толығымен жиналды. Денис Омашевтің айтуынша, жалпы 57,5 тонна картоп, 46 мың тонна көлемінде көкөніс өнімі, 24 мың тоннадай бақша өнімі жиналған.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу