КіруБҚО-ДАҒЫ 31 АУЫЛДЫҚ ОКУРГТІҢ ӘКІМІ САЙЛАНАДЫ
25 шілдеде Батыс Қазақстан облысындағы 12 ауданның тоғыз ауданы бойынша 31 ауылдық округтің әкімдерінің сайлауы өтеді. Оның ішінде 26 әкім өкілеттік мерзімінің аяқталуына байланысты, 5-уі (16,1%) – өкілеттіктерін мерзімінен бұрын тоқтатуға байланысты сайланады.
БҚО сайлау комитетінің төрағасы Ғ.Қапақовтың мәліметінше, ауылдық округ әкімі лауазымдарына 93 кандидат ұсынылған. Олардың 40-ы – саяси партиялар атынан ұсынылғандар болса, 53-і – өзін-өзі ұсынушылар.
Орташа бәсекелестік -3 адам. Кандидаттардың ең көп саны 4-еуден(Бәйтерек, Бөрлі, Жаңақала аудандарының 9 ауылдық округтерінде). 9(29%) сайлау округінде 2 кандидаттан.
– Саяси партиялар 28 сайлау округі бойынша кандидатураларын ұсынды. Атап айтқанда, «Nur Otan» партиясы – 25 кандидат, «Ауыл» ХДПП – 5 кандидат, «Ақ Жол» ҚДП – 1 кандидат, «АDAL» СП – 5 кандидат, ҚХП – 3 кандидат, ЖСДП – 1 кандидат. 18 сайлау округінде бір саяси партия бар. 6 сайлау округінде екі және одан да көп саяси партияның кандидаттары ұсынылды. Нақты айтқанда, 4 округте екі саяси партиядан, 3 округте – үш партиядан. Сонымен қатар, Ақжайық, Сырым аудандарының 4 ауылдық округінде кандидаттарды тек «NurOtan», «Ауыл», «АDAL», «Ақ Жол» саяси партиялары ұсынды. Жаңақала, Казталов, Қаратөбе аудандарының 4 ауылдық округінде кандидаттар тек өзін-өзі ұсынды, – деді Ғ.Қапақов.
93 үміткердің алтауы – әйел. 45 кандидат жұмыс істеп жүрген мемлекеттік қызметшілер болып табылады. Оның ішінде 20 кандидат нақты ауылдық округтегі әкімдерге қайта дауысқа түседі.
Үміткерлердің орташа жасы – 41,1 жас. Бұл ретте ең жас кандидат 26 жаста. Ол Бөрлі ауданының ауылдық округі бойыншасайлауға түспек. Ең үлкені 60 жаста, ол Бөкей ордасы ауданының ауылдық округі әкімі лауазымына үміткер.
Кандидаттардың 60-ы, яғни 64,5% – ауылдық округте, 27-сі (29%) – ауданда, 6 (6,45%) – облыста тұрады.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу