КіруБҚО-ДА ТАҒЫ ЕКІ АДАМНАН КОРОНАВИРУС АНЫҚТАЛДЫ
Бүгін Батыс Қазақстан облысында коронавирус инфекциясын жұқтырған екі адам тіркелді. Мемлекеттік комиссияның шұғыл штабының мәліметінше, екеуі де түркістандық.
Екеуі Ресей Федерациясында вахта әдісімен жұмыс жасайтын Түркістан облысының 1991, 1964 жылғы тұрғындары.
Олар Ресей Федерациясымен шекарадағы «Тасқала» автоөткелінен жаяу өткен. Сол жердегі санитарлық-карантиндік бекетте эпидемиолог мамандар байланыссыз термометрия және сауалнама жүргізу кезінде олардың денсаулыққа шағымдары болмаған. Алгоритмге сәйкес, СКП эпидемиологтары жедел жәрдем шақырып, азаматтар карантиндік стационарға жатқызылды.
ПТР диагностикалық зерттеу қорытындысымен екеуінен де COVID-19 диагнозы нақтыланды.
Науқастар облыстық жұқпалы аурулар ауруханасына орналастырылды. Қазір жағдайлары қанағаттанарлық.
Науқастармен қарым-қатынаста болған адамдар анықталып, барлығы медициналық бақылауға алынды.
Ауру ошақтарында дезинфекциялық жұмыстар жүргізілді. Эпидемияға қарсы іс-шаралар жалғасуда.
25 сәуір күнгі жағдай бойынша облыста COVID-19 инфекциясын жұқтырған 102 адам тіркелді.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу