КіруБҚО-ДА МЕДИЦИНА ҚЫЗМЕТКЕРІ КОРОНАВИРУС ЖҰҚТЫРДЫ
Батыс Қазақстан облысында коронавирустық инфекция жұқтырған тоғызыншы науқастың медицина қызметкері екені хабарланды.
49 жастағы науқас провизорлық стационарда медициналық қызметкер болып жұмыс істейді. Қаулыға сәйкес COVID-19 жұқтыру қаупі жоғары медициналық қызметкер ретінде тексеру кезінде анықталып, ПТР диагностикалық зерттеу нәтижелері бойынша COVID-19 диагнозы нақтыланған. Қазіргі таңда науқастың жағдайы қанағаттанарлық. Облыстық жұқпалы аурулар ауруханасына жеке боксқа орналастырылды. Бекітілген хаттамаға сәйкес ем қабылдап жатыр.
Сондай-ақ эпидемиологиялық тексеру барысында жұмыс орны бойынша науқаспен жақын қарым-қатынаста болған 7 адам анықталып, зертханалық зерттеу жүргізілген. COVID-19 зерттеу нәтижелері 6 адамда теріс көрсетті. Бір адамның сынамасы әлі зерттелуде.
«Ұлттық сараптама орталығы» ШЖҚ РМК БҚО бойынша филиалының мамандарымен пәтер, кіреберіс және үйдің іргелес аумағында қорытынды дезинфекция жүргізді. Науқас пәтерде жалғыз тұрған, үйдің подъезі карантинге жабылды.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу