КіруБҚО-ДА КОРОНАВИРУСТЫҚ ИНФЕКЦИЯ ЖҰҚТЫРУДЫҢ СЕГІЗІНШІ ЖАҒДАЙЫ ТІРКЕЛДІ
Бүгін Батыс Қазақстан облысында «COVID-19» инфекциясын жұқтырған 1 жағдай тіркелді.
БҚО тауарлармен мен қызметтер сапасы мен қауіпсіздігін бақылау депараментінің хабарлауынша, коронавирустық инфекция табылған азамат Ресей Федерациясында вахта әдісімен жұмыс жасайтын 31 жастағы Орал қаласының тұрғыны.
Ресей Федерациясының Саратов облысымен шекарадағы «Тасқала» автоөткеліндегі санитарлық-карантиндік бекетте эпидемиолог мамандармен қашықтық термометрия және сауалнама жүргізу кезінде, азаматтан дене қызуының көтерілуі анықталған. Аталған азамат іс-әрекет алгоритміне сай оқшауланып, жедел жәрдем көлігі шақырылды.
Барлық эпидемияға қарсы іс-шараларды сақтай отырып, аталған азамат провизорлық стационарға жеткізіліп, коронавирус жұқпасына талдау жасалды.
ПТР диагностикалық зерттеу нәтижелері бойынша COVID-19 диагнозы нақтыланды. Қазіргі уақытта облыстық жұқпалы аурулар ауруханасында жеке боксқа орналастырылған.
Науқаспен қарым-қатынаста болған адамдар анықталып, барлығы медициналық бақылауға алынды. Ауру ошақтарында эпидзерттеу жұмыстары, «Ұлттық сараптама орталығы» БҚО бойынша филиалы дезинфекция орталығы мамандарымен дезинфекциялық жұмыстар жүргізілді.
Бүгінгі, яғни 12 сәуір күнгі жағдай бойынша аймақта COVID-19 коронавирустық инфекцияға шалдыққан барлығы 8 адам облыстық жұқпалы аурулар ауруханасына ем алуда.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу