КіруБҚО-ДА КОРОНАВИРУС ИНФЕКЦИЯСЫН ЖҰҚТЫРҒАНДАР 100-ГЕ ЖЕТТІ
Бүгін кеште Батыс Қазақстан облысында COVID-19 инфекциясын жұқтырған 7 жағдай тіркелді. Мемлекеттік комиссияның шұғыл штабы хабарлағандай, коронавирустық инфекция табылғандардың барлығы да Ресей Федерациясында вахта әдісімен жұмыс жасайтын азаматтар. Олардың 5-еуі -Батыс Қазақстан облысының, 2-еуі Түркістан және Жамбыл облысының тұрғындары.
Ресей Федерациясымен шекарадағы «Тасқала» және «Сырым» автоөткелдеріндегі санитарлық-карантиндік бекеттерде эпидемиолог мамандармен қашықтық термометрия және сауалнама жүргізу кезінде азаматтардың денсаулықтарына шағымдары болмаған. Алгоритмге сәйкес, СКП эпидемиологтары жедел жәрдем шақырып, азаматтар карантиндік стационарға жатқызылды.
ПТР диагностикалық зерттеу қорытындысымен 7 пациентте де COVID-19 диагнозы нақтыланды. Барлығы да облыстық жұқпалы аурулар ауруханасына орналастырылды. Науқастармен қарым-қатынаста болған адамдар анықталып, барлығы медициналық бақылауға алынды.
Дезинфекциялық жұмыстар жүргізілді. Эпидемияға қарсы іс-шаралар жалғасуда.
Айта кетейік, облыста коронавирус инфекциясының алғашқы жағдайлары 29 наурызда тіркелді. 24 сәуір күнгі жағдай бойынша облысымызда COVID-19 коронавирустық инфекцияға шалдыққан 100 адам анықталды. Екі науқас сауығып, үйіне шығарылды. Қалған 98 науқас облыстық жұқпалы аурулар ауруханасында ем алуда.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу