КіруБҚО-ДА ИНФЕКЦИЯЛЫҚ СТАЦИОНАРЛАР САНЫ ҚЫСҚАРТЫЛДЫ
БҚО денсаулық сақтау басқармасы мәлім еткеніндей, қазіргі кезде 200 төсектік бір ғана ауруханада 3 науқас емделуде. Соның ішінде біреуі жансақтау бөлімшесінде, ол инвазивті емес жасанды тыныс алу аппаратына қосылған. Өңірде пандемия басталғаннан бері 49 654 науқас тіркелді. Соңғы тәулікте 1 адамнан індет табылса, 186 емделуші жазылып шықты. Жыл басынан бері 43 адам коронавирустан көз жұмды. Соңғы аптада қайтыс болғандар тіркелген жоқ.
Басқармадан түскен мәліметке қарағанда, 274 642 адам коронавирусқа қарсы вакцинаның бірінші компонентін салдырды, бұл – егілуге жататын тұрғындардың 66,3 пайызы. Сондай-ақ 264 441-і (63,8 пайызы) екінші компонентпен егілді. Облыс бойынша 72 022 адам ревакцинациядан өтті. Pfizer компаниясының вакцинасын 10 970 адам салдырса, соның 419-ы – жүкті, 4 862-сі – бала емізетін әйелдер, 5 675-і – жасөспірімдер, 12-сі – мүгедектер, екеуі – шетелге емделуге жолдама алғандар.
https://www.inform.kz/kz/bko-da-infekciyalyk-stacionarlar-sany-kyskartyldy_a3915982
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу