КіруБҚО-ДА ӨҢДЕУ ӨНЕРКӘСІБІНІҢ ӨНІМІ АРТТЫ
Жыл басынан бері Батыс Қазақстан облысында 2047,7 млрд. теңгенің өнеркәсіп өнімі өндірілді. Нақты көлем индексі 2017 жылғы қаңтар-қазан деңгейіне 95,6 пайызды құрады.
ҚР ҰЭМ СК Батыс Қазақстан облысының cтатистика департаменті ұсынған мәлімет бойынша кен өндіру өнеркәсібі және карьерлерді қазуда 2018 жылғы қаңтар-қазанда 1843,4 млрд. теңгенің өнімі өндіріліп, 2017 жылғы қаңтар-қазанмен салыстырғанда нақты көлем индексі 95,5% құрады. Газ конденсатының өндірісі 3 пайызға төмендеген.
Өңдеу өнеркәсібінде 155,5 млрд. теңгенің өнімі өндірілген. Бұл 2017 жылғы қаңтар-қазан деңгейінен 7,6 пайызға жоғары.
Өңдеу өнеркәсібі көлемінің 31,7 пайызы тамақ өнеркәсібінің үлесіне тиесілі. 2018 жылғы каңтар-қазанда 47158,4 млн. теңгенің тамақ өнімдері, 2109,8 млн. теңгенің сусындары шығарылған. Ірімшік және сүзбе – 39,6 пайыз. Ет және тағамдық қосымша өнімдер өндірісінің көлемі 4,7 есеге өскен.
Жеңіл өнеркәсіпте 1152,7 млн. теңгенінің өнімі өндіріліп, нақты көлем индексі 2017 жылғы қаңтар-қазан деңгейіне 164 пайызды құрап отыр.
Өзге металл емес минералдық өнімдер 10238,2 млн. теңгеге өндірілді. Нақты көлем индексі 2017 жылғы қаңтар-қазан деңгейіне 93,9 пайызды құрады. 2017 жылғы қаңтар-қазанмен салыстырғанда құрылыс мақсатына пайдаланылатын бетоннан жасалған бұйымдар – 2,4 пайызға өскен.
Металлургия өнеркәсібінде 2018 жылғы қаңтар-қазанда өндіріс көлемі
16580,4 млн. теңгеге жеткен. Нақты көлем индексі 2017 жылғы қаңтар-қазан деңгейіне 130,1 пайыз құрады. Болаттан жасалған қырланған табақтар өндіру және болаттан жасалған түрлі диаметрдегі құбырлар өндірісі өсті.
Электрмен жабдықтау, газ, бу беру және ауа баптау жөніндегі кәсіпорындарда өндіріс көлемі 42,9 млрд. теңге. Нақты көлем индексі 2017 жылғы қаңтар-қазан деңгейіне
88,1% құрады.
Сумен жабдықтау, кәріз жүйесі, қалдықтардың жиналуын және таратылуын бақылау жөніндегі кәсіпорындарда өндіріс көлемі 6 млрд. теңгені құрады, бұл 2017 жылғы қаңтар-қазан деңгейінен 15,7 пайызға төмен.
«Жайық үні»
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу