КіруБҚО-ДА «COVID-19» ИНФЕКЦИЯСЫН ЖҰҚТЫРҒАН БЕС ЖАҒДАЙ ТІРКЕЛДІ
БҚО-да «COVID-19» инфекциясын жұқтырған бес жағдай тіркелді. Бірінші жағдай бойынша, ауру жұқтырған азамат – 30 жастағы Орал қаласының тұрғыны. Ол коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынама алынған. Екінші жағдай бойынша, коронавирустық инфекция табылған төрт азамат Ресей Федерациясында вахта әдісімен жұмыс жасайтын өңір тұрғындары. Бұл туралы бүгін БҚО өңірлік коммуникациялар қызметі алаңындағы брифингте БҚО тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Нұрлыбек Мұстаев мәлімдеді.
Ресей Федерациясының Саратов облысымен шекарадағы «Тасқала» автоөткеліндегі санитарлық-карантиндік бекетте эпидемиолог мамандармен қашықтық термометрия және сауалнама жүргізу кезінде азаматтардың денсаулықтарына ешқандай шағымы болмаған. Бас мемлекеттік санитарлық дәрігердің 09.04.2020ж. №32 Қаулысына сәйкес, COVID-19 зертханалық тексеру үшін карантиндік стационарға жіберілген. ПТР диагностикалық зерттеу қорытындысымен бес пацентте де COVID-19 диагнозы нақтыланыпты. Қазіргі таңда науқастардың жағдайлары қанағаттанарлық. Барлығы облыстық жұқпалы аурулар ауруханасына орналастырылған. Науқаспен қарым-қатынаста болған адамдар анықталып, барлығы медициналық бақылауға алынуда. Ауру ошақтарында эпидзерттеу жұмыстары, дезинфекциялық жұмыстар жүргізілуде. Эпидемияға қарсы іс-шаралар жалғасуда.
Күні бүгінгі жағдай бойынша облысымызда коронавирустық жұқпадан екі адам жазылып шықты.
Облыстық жұқпалы аурулар ауруханасында – 28 адам, провизорлық стационарда – 50, карантиндік стационарда – 158, үй оқшаулауында – 1396 адам дәрігерлер бақылауында.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу