КіруБҚО-ДА ҚАШЫҚТАН ОҚЫТУ ҚАЛАЙ ЖҮРУДЕ?
Осы аптада оқу жылының төртінші тоқсаны басталды. Небары алты аптаға ғана ұласатын оқу кезеңі әдеттегіден өзгерек жүргізілуде. Төтенше жағдайдың енгізілуіне байланысты оқушылардың білім алуы қашықтан ұйымдастырылды. Облыста 108 мыңдай шәкірт осы жүйеде сабақ материалдарын игеруге кірісті. Дегенмен, алғашқы күннен-ақ бұл жүйенің қиындықтары байқалуда. Әлеуметтік желідегі ата-аналардың ортақ топтарында наздарын жеткізіп жатқандар жетерлік.
Қашықтан оқыту жүйесінде мұғалім мен оқушы арасын онлайн-байланыс арқылы жалғау жоспарланғанымен, кейбір елдімекендердің ғаламторға қосыла алмауынан бұл мүмкін болмады. Осылайша, оқу тоқсаны басталмас бұрын өткізілген сынама сабақтан кейін Білім және ғылым министрлігі дереу онлайн сабақ өткізуден бас тартып, әр оқушы, әр мұғалім үшін тиімді жолдарды ұсынды.
Бұл жүйемен оқытуда БҚО білім басқармасы тарапынан әр оқушының, мұғалімнің компьютерлік құрылғылармен, интернетпен қамтамасыз етілуі бойынша талдаулар жасалып, білім беру ұйымдарының балансынан компьютерлік қондырғылар уақытша пайдалану үшін педагогтар мен ата-аналардың материалдық жауапкершілігіне берілген. Сондай-ақ үнемделген қаржыдан компьютерлер, ноутбуктер, планшеттер сатып алынуда.
– Аудандық және қалалық білім бөлімдерінің мәліметі бойынша, шәкірттеріміздің 91,5 пайызында компьютерлік құрылғылар, смартфондар болса, 86,9 пайызының интернетке шығу мүмкіндіктері бар. 9 288 оқушыда компьютер жоқ. Бүгінде 2 554 балаға мектептердегі компьютерлер уақытша пайдалануға берілді. Облыс мектептеріндегі 14 мыңнан астам мұғалімнің 98,9 пайызында компьютерлік құрылғылар, смартфондар бар екен. Ал қалған 601-іне компьютерлер уақытша пайдалануға берілді. Бұл бағыттағы жұмыстар жалғасын тауып үнемделген қаржы есебінен компьютерлер сатып алынып, оқушыларға уақытша пайдалануға берілетін болады, – дейді облыстық білім басқармасының басшысы Айымгүл Тржанова.
Үйде ноутбук немесе компьютер болмаса да білім алуға кедергі жоқ екенін сала мамандары айтып отыр. Телеарналар мен радиодан жаңа сабақты мұқият тыңдап, ұялы телефон арқылы да тапсырмалар алып, кері байланыс жасауға болады. Облыс орталығынан шалғайдағы ауылдардың жағдайын алға тартпай-ақ, қалаға іргелес елдімекендерде мәселенің бар екенін жоққа шығара алмаймыз. Атап айтқанда, Ветелки, Сарытау, Меловые горки, Деркөл, Маштаков, саяжайлар аумақтарында ұялы байланыс сапасы төмен…
Толығырақ «Жайық үні-Жизнь города» газетінің 2020 жыл 9 сәуір күнгі №13 санынан оқи аласыздар.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу