КіруБҚО-ҒА КОРОНАВИРУСҚА ҚАРСЫ ЕКПЕНІҢ ЕКІНШІ ПАРТИЯСЫ КЕЛДІ
Батыс Қазақстан облысына коронавирустық инфекцияға қарсы вакцинанының екінші партиясы әкелінді. Бұл туралы БҚО денсаулық сақтау басқармасы басшысының міндетін атқарушы Арман Қалибеков мәлімдеді.
Осыдан 21 күн бұрын вакцина қабылдаған медицина мамандары препараттың екінші дозасын алатын болады. Арман Талғатұлының мәлімдеуінше, вакцина алған дәрігерлер денсаулығында ешқандай өзгерістер жоқ. Апта аяғында тағы 3500 вакцина келетін болады. Ол ресейлік әдіспен Қазақстанда өндірілген препарат болып табылады. Наурыз айында тағы 8 мыңы келуі тиіс.
Әзірге екпе шарасы Орал қаласы мен 2 аудандағы 7 емдеу нысанында жүзеге асырылып жатыр.
Вакциналаудың екінші кезеңінде педагог мамандар мен полиция қызметкерлеріне екпе салу көзделіп отыр. Өңірге Ресейден жалпы саны 80 мың вакцина жеткізіледі.
Эпидемиолог мамандардың айтуынша, әзірге вакцинадан жаппай бас тарту немесе екпенің кері әсері байқалған деректер тіркелмеген.
Айнара ИСА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу