КіруАуылға жабайы қабан кіріп кетті
Батыс Қазақстан облысында полицейлер ауылға кіріп кеткен қабанды атып өлтірді. Бұлай жасауға олар мәжбүр болған. БҚО Полиция департаментінің баспасөз қызметінен түскен мәліметке қарағанда, оқиға кеше кешқұрым Бәйтерек ауданының орталығы Переметныйда болған.
Сағат 18.56-да ауыл тұрғынынан балалар ойын алаңда жабайы қабанның жүргені жөнінде хабар түскен. Оқиға орнына екі тәртіп сақшысы келген. Олар жануарды ауыл сыртына шығарып жіберу үшін барынша әрекет еткенімен, хайуан адамдар өміріне қауіп төндірген. Сондықтан полиция инспекторлары «Құқық қорғау қызметі туралы» ҚР Заңының 61-бабы 1-бөлігі 6-тармағына (адам өміріне немесе денсаулығына іс жүзінде қатер төндірген жағдайларда хайуанаттардың шабуылынан қорғану мақсатында атыс қаруын және өзге де қаруды қолдану) сәйкес табельдік қаруды қолданып атып өлтірген. «Атыс қаруы қолданылғаны жөнінде ақпарат Бәйтерек ауданы прокурорына хабарланды», – деді ПД-дан.
Айнұр ҚҰРМАШЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу