АТАУЛЫ ӘЛЕУМЕТТІК КӨМЕК ҚАЗАҚСТАНДЫҚТАРДЫҢ ТАБЫСЫНА ӘСЕР ЕТТІ

2018 жылдың IV тоқсанының соңында адам басына шаққандағы халықтың ақшалай кірісі 164,7 мың теңгені құрап, 2017 жылдан 11,3% өскен. Сонымен бірге, шығындар да өсіп, IV тоқсанның аяғында 163,2 мың теңге болған. Бұл алдыңғы жылмен салыстырғанда 12,1% артық. Адам басына шаққандағы табыс шығыннан 1,5 мың теңгеге ғана артық болған. 2017 жылы айырма 2,4 мың теңгені құраған. Шығындардың ұлғаюына салықтың, төлемдердің және т.б. төлемақылардың (+13,2%) және несие мен қарыз төлеуге жұмсалатын қаражаттың өсуі (+16% ) ықпал еткен. 2018 жылдың IV тоқсанының соңында халықтың шығыстары құрылымында тұтынушылық шығындар ең үлкен үлеске ие болған – 93,4% немесе 152,4 мың теңге. Несие мен қарыздарды өтеуге жұмсалатын шығындар 3,8% (6,2 мың теңге). Еске салайық, 2019 жылдың соңында жеке тұлғаларға берілген несиелер бойынша кешіктірілген қарыздар 0,5%, 382,1 млн теңгеге дейін азайған. Ақшалай табыстың 11,3% өсуіне атаулы әлеуметтік көмек пен тұрғын үй көмегі (+33,3%) және зейнетақыдан түскен табыс (+25,1%) ықпал еткен. 2018 жылдың аяғында бір жұмыскердің айлық орташа жалақысы бір жылда 7,5% өскен. Екінші орында зейнетақы тұр: 31 мың теңге. Табыстардың көлемі бойынша үштікті туыстардан, таныстар мен алименттен түскен материалдық көмек тұйықтап тұр: 4,7 мың теңге (+6,6%).

https://www.inform.kz/kz/atauly-aleumettik-komek-kazakstandyktardyn-tabysyna-aser-etti_a3511536