КіруАталар ерлігі ұмытылмайды
Ат ауыздығымен су ішіп, ер етігімен су кешкен заманда жауға қарсы шығып елін, жерін қорғаған айбарлы да, айбынды, ержүрек, қаһарман батырларымыз қаншама десеңізші!.. Осындай батыр болмысты, қайсар рухты биік тұлғалардың қатарына қайын атам Төлеуғали Әбиевті қоссам артық болмас деген ойдамын. Ұлы Жеңістің 75 жылдық мерекесіне орай Ұлы Отан соғысының ардагері атамның және осы соғысқа аттанған ағайындарының болмыс-бітімін, азаматтық кескінін қағазға түсіруді жөн санадым.
Атам Төлеуғали Әбиев ел басына төнген қатерден қаймықпай 1941 жылы қан майданға аттанған. Бүкіл еліміз үшін мазасыз сол бір кезеңде атамыз да батырлығымен көзге түскен. Оның айғағы – I дәрежелі «Отан соғысы» ордені, «Жапон соғысындағы ерлігі үшін» медалі, бейбіт заманда алған «Тың жерлерді игергені үшін», «Кеңес Одағы қарулы күштеріне – 60 жыл» медальдары. Бұл әрине, ерліктің сырын шертетін даңқты белгілер.
Ұлы Отан соғысының басынан соңынан дейін, кейін Фин соғысына қатысып, даңқты жауынгер болып, 1946 жылы ерлікпен елге аман-есен оралған. Соғыстан кейінгі елдің бейнеті мол, зейнеті аз тірлігіне белшеден бата жүріп, 38 жыл есепші болып қызмет атқарды. Атамның бүкіл ел бағалап отырған ғұламалығын айтып жату артық болар. Атамыздың сұрапыл жылдардың әрбір сәтін шежіредей әңгімелеп отыратынын енем үнемі айтатын.
Айгүл ӘБІЛХАЙЫРОВА
Мақаланың толық нұсқасын «Жайық үні» газетінің 7 мамыр күнгі №17 санынан оқи аласыздар.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу