КіруАРДАГЕРЛЕРМЕН АРНАЙЫ КӨРІСТІ
Бүгін, түске дейін Әз-Наурыздың алғашқы мерекесі-Көрісу Айтты назарынан тыс қалдырмаған БҚО әкімі Ғали Есқалиев “Атамекен” өнер ордасына арнайы барып, «Көрісу күні» мерекесіне орай облыстың еңбек ардагерлерімен көрісті. Көктемнің келуін бейнелейтін, Наурыз мейрамы қарсаңында атап өтілетін бұл мереке «Амал» немесе «Көрісу күні» деп те аталады.
Кездесу барысында өңір басшысы ақсақалдарды Ұлық мерекемен құттықтап, өңірдің дамуына қатысты сұрақтарды талқылады.
– «Қауышу – тек адамдардың бір-біріне амандасып, жақсылық тілейтін, бір-бірімен қауышатын мерекесі ғана емес, сондай-ақ, жасы үлкендерге ізет көрсетіп, ілтипат білдіретін күн. Біздің аймақ ата-бабаларымыздың салт-дәстүрлері мен әдет-ғұрыптарын қатаң сақтаған, біз осы мәдениетті, дәстүрді жалғастыруымыз керек. Бүгін осындай керемет күні бас қосып отырмыз. Өздеріңізге мықты денсаулық, отбастарыңызға береке-бірлік, жақындарыңызға амандық тілеймін,- деді Ғали Нәжімеденұлы.
Кездесуде ардагерлер өңірдің дамуына қатысты ойларымен бөлісіп, өнер ордасының фойесіне қойылған ақтан дәм татып, «Ағалар әуені» тобы мен «Әже сәлемі» және фольклорлық ансамблдерінің өнерін тамашалады.
Рафхат ХАЛЕЛОВ, суретке түсірген автор.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу