КіруАРДАГЕРЛЕРГЕ МЫҢ ТАҒЗЫМ
Жеңіс мерекесіне орай «Ардагерлерді ардақтайық» жобасы аясында «Гала» мейрамханасында бүгін Ұлы Отан соғысы мен тыл ардагерлеріне арнап дастархан жайылды.
Ардагерлерді Жеңіс мейрамымен Орал қалалық маслихатының депутаты Арман Бигалиев, Жұмыспен қамту және әлеуметтік бағдарламалар бөлімі басшысының міндетін атқарушы Алтын Байгутова құттықтап, жылы лебіздерін жеткізді.
– Сұрапыл соғыстың қандай болғаны, оның қиындығы мен бейнеті сіздерге ғана аян. Бүгінгідей бейбіт күн сыйлағандарыңыз үшін біз сіздерге қарыздармыз. Сіздерге қамқорлық жасау міндетіміз. Дендеріңізге саулық, отбасыларыңызға амандық, ұзақ ғұмыр тілеймін, – деген Зейнеткерлер мен мүгедектерге әлеуметтік қызметкөрсету аумақтық орталығының директоры Абзал Молдагалиев осы шараның өтуіне мұрындық болған «Гала» мейрамханасының қожайыны Ернар Шамұратовқа мекеме әкімшілігі атынан алғыс білдірді.
Деркул мәдени орталығының өнерпаздары шараның сәнін келтіріп, музыкалық сәлемдеме тарту етті. Шара барысында сөз алған ардагерлер өздеріне құрмет көрсеткен ұйымдастырушыларға ризашылықтарын жетді.Ұмытылмас отты күндердің естеліктерімен бөлісіп, келешек ұрпақтың бейбіт өмір кешуін тілеп, ақ баталарын берді.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу