КіруҚАРАТӨБЕДЕ ШЕГІРТКЕ ҚАПТАП КЕТТІ
Қаратөбе ауданы Қоскөл ауылы Шора қыстағында шегірткелер қаптап кеткені туралы видео таралды. Бірақ,ҚР АШМ агроөнеркәсіптік кешендегі мемлекеттік инспекция комитетінің БҚО аумақтық инспекцияциясы шегірткеден төнген қатер жоқ екенін айтады. Өйткені соңғы он жылда улау жұмысы жолға қойылып, дәріленетін аумақ еселеп азайған.
Бұрын 800 мың гектар жерді өңдесе, қазір 72 мың гектардан аспайды. Ал жұртты шошытқан шегіртке әлі кішкентай, тіпті ұша алмайды. Сондықтан улау жұмыстары жоспарға сай жүргізіледі.
Шегіртке табылған аумаққа арнайы мамандар аттандырылған. Батыс Қазақстан облысын дүрліктірген шегірткелер Ақтөбеден келген көрінеді. Осы өңірдегі аумақтық инспекцияның өкілдері алаңдауға еш негіз жоқ деп сендірді.
– Екі маманымыз соның басында және өңдеуге келіп жатқан мердігерлерді жібердік. Кеште олар барып, таңғы сағат 4.00-де химиялық өңдеу жұмыстарын жүргізіп тастады,- деді ҚР АШМ агроөнеркәсіптік кешендегі мемлекеттік инспекция комитетінің бқо аумақтық инспекциясының басшысы Лавр Хайретдинов.
Айнара ИСА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу