КіруАНА МЕН БАЛА ҚАМЫН ОЙЛАЙТЫН ОРТАЛЫҚ
Орал қаласы әкімінің орынбасары мен қалалық мәслихат депутаттары Оралдағы әлеуметтік қолдау орталықтарының жұмысымен танысты.
Жуырда Оралдағы аналар мен балаларға арналған дағдарыс орталығы жаңа ғимаратқа көшкен еді. Бүгін аталған орталықтың жұмысымен Орал қаласы әкімінің орынбасары, қала әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның төрағасы Мирболат Нұржанов және қалалық мәслихат депутаттары Светлана Бахишева мен Азима Ғұбашева танысып қайтты.
— Өмір болған соң адамдардың басында әртүрлі қиын жағдайлар болып жатады. Сондай кезеңде әйел-аналар өз мәселелерін шешіп алғанша, орталықта 1-6 ай көлемінде тұра алады. Қазіргі таңда орталық бір мезетте түрлі жадайға тап болған 10 адамды қабылдауға қауқарлы, —дейді тұрмыстық зорлық-зомбылық құрбандарына арналған дағдарыс орталығының директоры Талшынай Жүніс.
Орталықта психолог, дәрігер, заңгер, тәрбиеші секілді мамандар қызмет атқарады. Көмекке жүгінген жандарды мұндағы мамандар қабылдауға қашанда дайын. Олардың айтуынша, дағдарыс орталығына келген жандардың көбісінің мекенжай тіркелімі болмайды екен. Бірақ, орталық бұл жұмыстармен нәтижелі айналысудың арқасында шешімін табуда.
Осыдан кейін комиссия мүшелері «Отбасы» орталығында болып, биылғы жұмыс жоспарларымен танысты.
«Отбасы» орталығынан өткен жылы жалпы саны 1190 адам кеңес алған. Бұл көрсеткіш 2020 жылмен салыстырғанда 2 есеге өскен. Ал осы жыл басталғалы орталық қызметіне 32 адам жүгінген.
Орталықта үнемі тігін, қолөнер, аспаздық, сұлулық шебер сағаттары ұйымдастырылады. Сондай-ақ кез келген қала тұрғыны үшін электронды үкімет, әлеуметтік мәселе, заң, психология бойынша арнайы мамандардан тегін кеңес алуға барлық мүмкіндік жасалған.
Ақарыс ӘЙІПТЕГІ,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу