КіруҒалымның мұрасы ұлықталды
Бүгін, желтоқсанның 13-і күні М.Өтемісов атындағы Батыс Қазақстан университетінің бас ғимаратында түркітанушы ғалым, филология ғылымдарының докторы, профессор Отарәлі Бүркіттің туғанына 70 жыл толуына орай «Профессор Отарәлі Бүркіттің лингвистикалық мұрасы, қазіргі қазақ филологиясының парадигмалары» атты халықаралық ғылыми-тәжірибелік конференция өтті.
Конференция басталмас бұрын профессордың шәкірттерінің мұрындық болуымен жаңартылған дәрісханасына шолу жасалып, жиналған қауым оркестірдің орындауындағы күйді тыңдап, көрмені тамашалады.
Ғылыми жиынды Филология факультетінің деканы, философия докторы Айдарбек Ақболатов тізгіндеді. Университеттің ғылыми жұмыс және халықаралық байланыстар жөніндегі проректоры Қажымұрат Ахмеденов алғы сөз сөйлеп, баяндамашыларға сәттілік тіледі.
Пленарлық мәжілісте Әл-Фараби атындағы ҚазҰУ-дың профессоры, ф.ғ.д. Зейнол-Ғабден Бисенғали, А.Байтұрсынұлы Тіл білімі институтының бас ғылыми қызметкері, ф.ғ.д., профессор Жамал Манкеева, Ә.Марғұлан атындағы Павлодар педагогикалық университетінің профессоры, ф.ғ.д. Бекен Сағындықұлы, БҚИТУ профессоры, ф.ғ.д. Сабыр Мұрат өз тақырыптарында баяндамаларын оқып, естеліктерін әңгімеледі.
Сонымен қатар, Түркиядағы Анкара қаласынан профессор, ф.ғ.д. Hülya Kasapoğlu Gengel, Башқұртстаннан доцент, ф.ғ.к. Зулайха Хабибуллина конференцияға онлайн түрде қосылып, ғылыми тұжырымдарын ұсынды.
Кейіннен жарыссөз ұйымдастырылды. Жиын соңында Отарәлі Бүркіттің жары, ф.ғ.д., профессор Ұлдай Ержанова мен ұлы Ұлан Бүркітұлы сөз алып, ұйымдастырушыларға, келген қонақтар мен баяндамашыларға алғыс білдірді.
Дәметкен САҒЫНБАЕВА
Версия для печатиСоңғы жаңалықтар
NABICOM – ШАЛҒАЙ АУЫЛДАР ҮШІН ИНТЕРНЕТ ЖӘНЕ БЕЙНЕБАҚЫЛАУ!
Хадиша Бөкеева атындағы облыстық қазақ драма театрының жаңа маусымы көрермендерге тың туындылар тарту етуде.
