Кіру«Қаламгерлер» алаңы ашылды
Бүгін, 19 желтоқсан күні түске дейін Орал қаласында Қазақстан Республикасының Тәуелсіздігінің құрметіне Ақ Жайық өңірі қаламгерлеріне арналған «Қаламгерлер» алаңының салтанатты ашылу шарасы өтті.
Салтанатты жиынға БҚО әкімі Нариман Төреғалиев пен қала әкімі Миржан Сатқанов, ҚР Жазушылар Одағының БҚО филиалының төрағасы, белгілі ақын Бауыржан Халиолла, сондай-ақ өлкедегі барша ақын-жазушылар, шаhар тұрғындары қатысты.
«Қаламгерлер» алаңын салтанатты түрде облыс әкімі Нариман Төреғалиев пен ақын, «Парасат» орденінің иегері Дариға Мұштанова ашып, құттықтау сөз сөйледі.
Осы игі шарада ҚР Жазушылар Одағының төрағасы, Мемлекеттік сыйлықтың иегері Ұлықбек Есдәулет пен белгілі ақын Дәулеткерей Кәпұлының құттықтау хаттары оқылды. «Қадыр орталығының» талантты жастары атсалысып, Жұбан Молдағалиевтің «Мен – Қазақпын» поэмасынан үзінді оқыды.
Керемет алаңды көріп қуанған қаламгерлер суретке түсіп, арқа-жарқа болысты. Бұдан соң «Grand Zodiak» мейрамханасында өмірден өткен ақын-жазушыларға арналып Құран оқылды.
Өз тілшіміз.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу