КіруАЛАЯҚҚА АЛДАНСАҢЫЗ, ПОЛИЦИЯҒА ХАБАР БЕРІҢІЗ
Батысқазақстандық полицейлер алаяқтың әрекетінен зардап шеккен азаматтарға үн қатуды сұрайды.
Қазір Орал қаласы Полиция басқармасының Абай Полиция бөлімі алаяқтық фактісі бойынша қылмыстық іске тергеу жүргізуде. Жәбірленушілердің әлі де көп болуы мүмкін. Әрі олар полицияға хабар бермеген болуы ықтимал. Осы ретте суреттегі адамның қылмыстық әрекетінен зардап шеккендердің Абай полиция бөлімінің 8 (7112) 98-43-03, 98-45-16 немесе «102» нөміріне хабарласуына болады.
Анықталғандай, Орал қаласы тұрғыны бизнесті жарнамалау және тұрғын үй сатып алуды желеу етіп оралдық кәсіпкерлердің қыруар ақшаларын алып кеткен. Ол Алматы қаласындағы «YUFRAME» белгілі вайнерлерін тарту арқылы бизнестеріне жарнама жасауға уәде берген.
Алаяқтардың адамдарды алдау жолдары сан қилы. Тәжірибе көрсеткендей, іс жүзінде адамдардың өздерінің шамадан тыс өзгелерге сенгішітігі мен бейқамдығы алдауға себеп болады. Сондықтан БҚО Полиция депратаменті әрқашан қырағы болуды ескертеді.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу