КіруҚалаға бейнебаян тарту етілді
Бүгін, 31 тамыз күні Cinema Park кинотеатрында «Қала күні – 2023» мерекесі аясында шаһарымыздың әнұранына айналған «Туған қалам – Орал» әніне түсірілген бейнебаянның тұсаукесері өтті.
Әннің авторы – композитор, бірқатар өнер жұлдыздары орындап жүрген әндерді жазған Ербол Ақбасов. Сөзін жазған – елімізге танымал ақын, журналист Мұнайдар Балмолда. Тарас Жауынбаев, Аслан Зинеденов, Рүстем Кереев, Дана Жарас, Айдана Орынғалиева, Медет Оразов, Ербол Ақбасов сынды әншілер әсем әнді әуелете шырқап, бейнебаянға түсті.
Шараға қала әкімінің орынбасары Мирболат Нұржанов және шаһарымыздың құрметті азаматтары қатысты. – Құрметті, қала тұрғындары! Бұл ән – жергілікті әншілеріміз бен тұрғындардың сүйікті әні. Қаланың көрнекті де көрікті жерлерін көрсетіп, ашық-жарқын халқын паш ететіндей бейнебаян түсіруге ұсыныс түсті. Бұл ойды қолдап, бүгінде бірлесе отырып осындай туынды жасап шығардық. Тек қалаға емес, еліміздің түкпір-түкпіріне тарайтын бейнебаян болады деп есептейміз. Тұсаукесер құтты болсын баршамызға! – деп құттыған Мирболат Нұржанов бейнебаянның жарыққа шығуына атсалысқан Мұнайдар Мұхамбетжанұлы, Ербол Жұмагелдіұлы, Наурыз Өтегенұлы мен Алтынбек Бақытжанұлына Алғыс хаттар табыс етті.
Шара соңында ән авторлары мен әнші-композитор Донеділ Қажымов сөз сөйлеп, бейнебаянның маңызын атап өтті.
Естеріңізге сала кетейік, қала күніне арналған шаралар 1-9 қыркүйек аралығында өтетін болады.
Дәметкен САҒЫНБАЕВА
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу