КіруАлғаш рет ескерткіш тақта ашылды
Бүгін, 29 маусым күні Ғ.Құрманғалиев атындағы облыстық филармония қабырғасында қос бірдей ескерткіш тақтаның ашылу салтанаты өтті.
Шараға БҚО басшысы, ел азаматы Нариман Төреғалиев қатысып, сөз сөйледі. Журналистер күніне орай ұйымдастырылған шараны «Орал өңірі» газетінің бас редакторы, жазушы Бауыржан Ғұбайдуллин жүргізді.Бірінші тақта – 1963-1984 жылдары қазіргі филармония ғимаратында жұмыс істеген «Орал өңірі», «Приуралье» газеттерінің редакциясына арналды. Екіншісі – осы ғимаратта 1963-1973 жылдары қызмет жасаған Ұлы Отан соғысының ардагері, журналист, облыстық «Орал өңірі» газетінің бас редакторы Хабир Аймұхамедұлының құрметіне арналды.
Хабир Нұрмұхамедов майданда әскери тілші, соғыстан соң КСРО Министрлер Кеңесінде аудармашы болған. 1948-1951 жылдар аралығында, 1963-1973 жылдарда облыстық «Орал өңірі» газетінің тізгінін ұстаған. Ұлы Отан соғысындағы қажырлы еңбегі үшін түрлі орден, медальдарымен марапатталған.
Маңызы зор шарада облыс әкімі Нариман Төреғалиев ескерткіш тақтаны Хабир Аймұхамедұлының кенже ұлы Игорь Нұрмұхамедпен бірге салтанатты түрде ашып, гүл шоғын қойып, тілегін жеткізді. – Барша журналистер қауымын төл мерекелерімен құттықтаймын! Батыс Қазақстан өңірінің дамуына үлкен үлес қосқан журналист, майдангер ағамыздың құрметіне бүгін ескерткіш тақтаны ашқалы тұрмыз. Кейінгі ұрпаққа үлгі болады деген ойда осындай игі істің куәсі болдық. Өңірімізде алғаш рет журналистерге арналып ескерткіш тақтаның ашылуы – біз үшін үлкен қуаныш. Қызметтеріңіз абыройлы болсын! – деді облыс басшысы өз құттықтауында.
Хабир Аймұхамедұлымен қызметтес болған ардагер журналист Мәжит Қайырғалиев сөз алып, біршама журналистің дамуына жол ашқан тұлғаны ұмытпау керегін айтты. Хабир Аймұхамедұлының ұлы, Ұлттық Қауіпсіздік комитетінің ардагері Игорь Нұрмұхамед өз ризашылығын білдірді.
Арадагер, аға буын және жас журналистер, БАҚ өкілдері ескерткіш тақтаға гүл шоқтарын қойып, ақтан ауыз тиді.
Дәметкен САҒЫНБАЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу