Кіру«ҚАЙЫРЫМДЫЛЫҚ КЕРУЕНІ» БАЙҚАУЫНЫҢ ҚАТЫСУШЫЛАРЫ МАРАПАТТАЛДЫ
«Қайырымдылық керуені» атты республикалық байқауының қорытындысы бойынша нақ қайырымдылық пен мейірімділіктің үлгісін көрсеткен екі батысқазақстандық – бас жүлдегер атанса, біреуі арнайы марапатқа ие болды. Шарапатты істердің бастаушысы болған 28 жерлесіміз алғыс хат алды. Бүгін облыс әкімінің орынбасары Бақытжан Нарымбетовтың қатысуымен өткен салтанатты жиында байқау қатысушыларына құрмет көрсетілді.
«Қайырымдылық керуені» атты республикалық байқауды Нұрсұлтан Назарбаев қоры және Қазақстанның іскер әйелдер қауымдастығы ұйымдастырып келеді. Байқау бес номинация бойынша жарияланды – «Асар», «Туған жер», «Батыл жүрек», «Қайырымдылық тарихы», «Мейірім жолында». Алайда, биыл комиссия мүшелері тағы екі номинация – «Бала жүрегі» және «Жануарға мейірім» номинацияларын тағайындау туралы шешім қабылданған.
Шараны ашқан облыс әкімінің орынбасары Бақытжан Хаберұлы халықтың азаматтық бастамаларын жандандыруға және ел ішінде мейірімділік, қайырымдылық, қамқорлық сияқты адамгершілік құндылықтарды нығайтуға бағытталған байқаудың маңыздылығын атап өтті. Сондай-ақ аз уақыт ішінде жақсы істердің бастаушысыбола білген «Іскер әйелдер» қауымдастығының жұмысына сәттілік тіледі.
Облысымыздағы «Іскер әйелдер» қауымдастығының төрайымы Жансұлу Төремұратованың айтуынша, үшінші мәрте өткізілген бұл байқауға облысымыздан қатысушылар саны жылдағыдан бірнеше есе көбейген және бұл республикадағы алдыңғы қатарлы көрсеткіш ретінде бағаланған. Осы орайда екі апталық мерзімде қала, аудан, ауылдар бойынша игі істердің жаршылары болып жүрген жандардың құжаттық материалдарын жинақтауға қолдау білдірген облыстық ішкі саясат басқармасы мен қала, аудан әкімдеріне алғысын жеткізді.
– Өткен жылдың соңында құжаттар жиналып, ұйымдастыру алқасына жолданды. Республикалық комиссия қарауына 667 өтінім түскен екен. Соның 31-і – біздің облыстан жіберілген материалдар. Республикалық тәуелсіз комиссияның шешімімен үш жерлесіміз жүлдегерлер қатарынан көрінді. Атап айтсақ, қайырымдылық жұмыстарымен айналысқан «Сырым елі» газеті – «Қайырымдылық тарихы» номинациясында, өрт басталып кеткен үйден үш сәбиді құтқарып алып шыққан бөкейордалық Дана Өтебаева – «Батыл жүрек» номинациясы бойынша алтын медальға ие болды. Қазталов ауданындағы шаруа қожалық басшысы Жолдыбай Нұрлыбаев арнайы дипломмен марапатталды. Жеңімпаздарды марапаттау Алматыда жоғары деңгейде өтті, – дейді Жансұлу Меңешқызы.
Сондай-ақ қатысушылар жүрегі кең абзал жандарды ынталандыруға бағытталған байқаудың маңызы туралы ойларын ортаға салды.
Шара соңында өзгелердің қиындығын жүрекпен сезініп, жан жылуымен бөлісіп жүрген жандарға Нұрсұлтан Назарбаев қорының директоры Дариға Назарбаеваның Алғыс хаты ұсынылды.
Айта кетейік, Алматыдан жеткен Алғыс хат жуырда дүниеден озған Асқар Қабановқа да бар. Өмірінің соңына дейін қайырымды істерге атсалысқан жайсаң жанның атына берілген марапат немересіне табыс етілді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу