КіруАБАЙЛАҢЫЗ – БАЛАЛАР. ЖОЛ-КӨЛІК ОҚИҒАЛАРЫ КӨБЕЙДІ
Батыс Қазақстан облысының тәртіп сақшылары Орал қаласында кезекті республикалық «Абайлаңыз – балалар!» жедел-профилактикалық іс-шарасын өткізілуде.
Аталған аталған акция барысындағы іс-шаралардың бірі қаладағы №7 жалпы орта білім беретін мектепте өтті. Мектеп жанында арнайы жаяу жүргіншілер үшін салынған жүргіншілер жолағы қайнаған көлік қозғалысының ортасында орналасқан, бұл жол арқылы оқушылар күнде сабаққа өтеді. Шара сабақ түрінде өтті. Сабаққа бастауыш сынып оқушылары қатысты. Мектептің учаскелік полиция инспекторы, полиция майоры Айнұр Жанабайқызы алдымен балаларға интерактивті тақта арқылы жол ережелерін сақтау бойынша бейнеролик көрсетіп, кейін оқушылардың жол ережесіне қатысты түрлі сауалдарына жауап берді. Сондай-ақ, мектепте құрылған жас жол инспекторлары жаяу бүлдіршіндерге жол үстінде өтуге көмектесіп, жол ережесін түсіндірді, жол инспекторы ұсынған жол жүру қауіпсіздігі жөніндегі парақшалар, күнтізбелер мен шағын блокноттарды көлік жүргізушілеріне және жаяу жүргіншілерге таратты.
– Көлік құралын бірден тоқтату мүмкін емес, сондықтан жолдан өткен кезде мұқият, әрі сақ болуды әрқашан есте сақтауыңыз қажет. Жолдан өту тек «Жаяу жүргіншілер өтпесі», «Жолақ» жол белгілері көрсетілген жерлерден, қиылыста бағдаршамның жасыл сигналы арқылы жүру қажет. Қозғалыс ағыны көп көшелерден өтуге тыйым салынады, ол өмірге және денсаулыққа өте қауіпті, – деді Орал қ.ПБ Абай полиция бөлімінің кәмелетке толмағандар ісі жөніндегі полиция инспекторы Бибінұр Нұрхатова.
Жол-көлік оқиғалары жүргізушілердің жол ережелерін сақтамауы, жылдамдықты арттыру, тәжірибесі аз жас жүргізушілердің басқаруы, т.б. салдарынан орын алуда. Сондықтан БҚО тәртіп сақшылары жол қозғалысына қатысушыларға жол үстінде жол ережелерін қатаң сақтауын талап етеді.
Жыл сайын көлік санының артуымен бірге жол-көлік апаттары да көптеп орын алуда. Биыл жыл басынан балалардың қатысуымен 38 жол-көлік оқиғасы орын алса, оның ішінде төртеуі қаза болды, 43-і әр түрлі дене жарақаттарын алды.
БҚО ПД баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу