КіруАҚ ЖАЙЫҚ ӨҢІРІ ҚАЗАНДА ҚАЗА ТАПҚАНДАРДЫ ЕСКЕ АЛДЫ
Бүгін Оралдағы Ресей Федерациясы елшілігі ғимараты алдында Ресейдің Қазан қаласындағы атыс кезінде қаза тапқандарды еске алу шарасы ұйымдастырылды. Қала тұрғындары, өңірідң белсенді жастары бір минут үнсіздік жариялап, қайғылы оқиғада көз жұмған жандарға арнап гүл шоқтарын қойды.
Айта кетейік, 11 мамыр күні Татарстан астанасы Қазан қаласындағы №175 мектеп гимназиясында жантүршігерлік оқыс оқиға орын алған еді. Белгісіз екі азамат сағат 9.20 шамасында мектеп ішінде атыс ұйымдастырған. Сол уақытта білім ұясында 700-дей оқушы мен 70 шақты мұғалім болған.
Оқ жаудырған осы мектептің төрт жыл бұрынғы түлегі екені анықталды. Бұған дейін таратылған мәліметтер бойынша атыс кезінде 9 адам бақилық болды, 20-дан астам адам зардап шеккен. Бүгінде 6 бала жансақтау бөлімінде жатыр.
Елшілік ғимараты алдында өткен қаралы жиын кезінде облыстық Жастар саясаты басқармасының бас маманы Әділгерей Зұлхаров «Ақ Жайық жастары» бұл жағдайды күйзеліспен қабылдағанын, бейбіт күні адам шығынына алып келген оқиғаға орай көршілес елдің қайғысына ортақ екенін жеткізді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу