КіруАҒАШТАР ҚҰЛАП, БІРНЕШЕ АДАМ ЗАРДАП ШЕКТІ (сурет)
Желдің күшеюіне байланысты Оралда теректер құлап бірнеше адам зардап шекті.
Облыстық денсаулық сақтау басқармасы баспасөз қызметінің мәліметінше, сағат 15.00 мен 17.00 аралығында жедел жәрдем бөлімшесіне төрт шақырту түскен.
Әбілқайыр хан даңғылы бойында теректің үлкен бұтағы сынып түсіп, автокөліктің үстіне түсті. Салдарынан 1988 жылғы ер адам мен 2003 жылғы қыз бала зардап шеккен. Бұтақтың ұшқындары ер адамның көзіне түскен. Ол облыстық көпбейінді ауруханаға, ал қыз бала қалалық көпбейінді ауруханаға жеткізілді.
Желаевта төбеден шатыр ұшып, 2011 жылғы қыз баланың басына құлаған. Ол қазір қалалық көпбейінді ауруханада.
Назарбаев даңғылы бойында 1950 және 1945 жылғы егде жастағы екі әйел құлаған бұтақтан зардап шекті. 79 жасар әйел адам ауруханаға барудан бас тартқан, ал екіншісі қалалық көпбейінді ауруханаға жатқызылды.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу