КіруБАҚҰЛ БОЛ, АЯУЛЫ АНА, АСЫЛ ӘЖЕ!
Ұлы Жеңісті жақындатуға ат салысқан тыл және еңбек ардагері Сайран Ахметова 95 жасында дүниеден озды.
Сайран Ахметова 1924 жылы Қазталов ауданында туған. 1941 жылы Отан соғысы басталғанда ол 17 жаста ғана болатын. Ата-анасы негізін қалауға қатысқан Қазталов ауданында Еңбекші колхозынан ер азаматтарды соғысқа алып, колхозда үлкендер мен бала-шаға, әйелдер қалады. Жастайынан зерек, өжет болып өскен Сайран колхоз бухгалтерінен есепшілікті үйренеді. Колхозшылар жиналып Сайран апамызды бухалтерлік жұмысқа бекітеді және бастауыш комсомол ұйымының хатшысына сайлайды.
Ұлы Отан соғысы кезінде Сайран апай да Еңбекші колхозының тұрғындарымен бірге майдан даласына өзіндік үлестерін қосты. «Әйелдер колхозы» деп те аталған Еңбекшіде ерінбей еңбек етіп, даладағы учаскелерге бөлініп, егін салып, мал фермаларының бел ортасында жүрді. Колхоздаға жалғыз ЧТЗ тракторы да қайта-қайта сына береді екен. Оны жөндейтін мамандар жоқ. Осындай қиыншылықтардың үстіне колхозға Украинадан 50 отбасы көшіп келеді. Онсызда колхозда 80 отбасы бар болса, көшіп келушілермен бірге жағдай күрт қиындай түседі. Тізім жасалып, әрбір отбасына колхоз есебінен ет беріліп, ауыл адамдары бір түйір құрт, бір тілім нанның жартысымен бөлісіп, украиндықтарды аштық құрсауынан аман алып шығады. Сайран апай көзі тірісінде: «Осы қиын-қыстау шақты басымнан өткеріп, көзіммен көрген едім. Ол қиындықтарды әлі ұмытпаймын. Ақыры жеңіп шыққанымызға мақтанамын. Украинадан келген жандардан көмегін аямаған Еңбекші колхозының халқына да ризамын» деп айтып отыратын.
Күндіз колхоздың есеп-қисабын шығарып, кешке солдаттарға жылы киімдер әзірлеуді ұйымдастырып, түнде өгіз шанамен далаға барып, қар басып қалған мая шөптерді аршып әкелетін Сайран апайдың ауылдастарына сіңірген еңбегі ұшан-теңіз. 1943-1944 жылдардың да ауыртпалығын жерлестерімен бірге өткерген 19 жастағы Сайран Ахметова талай сынақтарға төтеп берді. Қаңтар айында колхоз бастығы үлкен кісілермен бірге екі сиырды сатып, колхозшыларға астық әкелу үшін өгіз шанамен Саратов облысы Новозенский ауданына жібереді. Барлық шаруаны бітіріп қайтып келе жатқанда оларды милиция ұстап алып, екі тәулікке КПЗ-ға отырғызып қояды. Бұларды екі тәуліктен кейін шығарады. Сөйтіп, бидайы мен қара астығын тиеп елге аман-есен оралып, халықтан алғыс алады. Ұлы Отан соғысы жылдарында ауыл тұрғындарын аштыққа ұрындырмау, колхоз жұмысын жетілдіру, Украинадан көшіп келгендерді орналастыру, соғыс қасіретін шеккен отбастарының жағдайын жасау жолында Сайран шешеміздің де қосқан еңбегі өлшеусіз.
Осындай Тыл және еңбек ардагері, ұлын ұяға, қызын қияға қондырған аяулы ана, ардақты әже Сайран Ахметова 95 жасында дүниеден озып отыр.
Марқұмның ағайын туғандары мен ұрпақтарына және «КазИИТУ» ғылыми – білім кешенінде заңгер қызметін жемісті атқарған, «Жаңару» Сыбайлас жемқорлыққа қарсы жалпыхалықтық қоғамдық қозғалысы Республикалық Батыс Қазақстан облыстық филиалы директорының орынбасары Альфия Қайыршақызы Кәрібаеваға қайғыларына ортақтасып, көңіл айтамыз.
«КазИИТУ» ғылыми – білім кешенінің құрылтайшысы, ректораты, Республикалық «Жаңару» Сыбайлас жемқорлыққа қарсы жалпыхалықтық қоғамдық қозғалысы Батыс Қазақстан филиалының басшылығы
Версия для печати
Соңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу