КіруЕКІ КҮНДЕ ҮШ БАЛА СУҒА КЕТТІ
Батыс Қазақстан облысында екі күн ішінде үш жасөспірім суда көз жұмды. Бұл туралы БҚО ТЖД Ішкі және сыртқы коммуникациялар тобы хабарлады.
Атап айтқанда, 10 шілде күні сағат 21.19-да Қаратөбе ауданы Жалпақтал ауылы маңайында орналасқан Қараөзен өзенінде жергілікті тұрғындар сол күні сағат 21.00-де рұқсат етілмеген жерде суға шомылып, салдарынан суға батып кеткен 2013 жылы туған баланың денесін тауып, судан алып шықты.
11 шілде күні сағат 16.12-де Орал қаласы Жайық өзені Елизаров көшесі бойында суға шомылуға тыйым салынған белгісі орнатылған, яғни суға түсуге тыйым салынған орында 2 бала суға батып кеткен. Олар – 2008 жылғы ұл бала мен 2006 жылы туған қыз бала. Сағат 16.52-де БҚО ТЖД «ЖҚЖ» ММ-нің 8 қызметкері, 2 жүзу құралы және 2 бірлік техникасы қыз баланың денесін тауып судан алып шықты. Сағат 18.55-те ұл баланың денесі табылды.
Облыста судағы өлім стастикасы да азаймай тұр. Төтеншеліктердің мәліметінше, 2019 жылдың суға шомылу маусымы басталған уақыттан бері 24 адам суға батып кеткен, соның жетеуі бала. Өткен 10 жылдың ішінде 270-тен астам адам суға кетсе, соның 70-тен астам балалар.
Елмұра АСХАТҚЫЗЫ
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу