КіруҮздік тауар өндірушілер анықталды
Сенбі күні Х.Бөкеева атындағы облыстық қазақ драма театрында өткен «Қазақстанның үздік тауар өнімдері» өңірлік көрме байқауына 32 жергілікті тауар өндірушілер қатысып, 9-ы үздік шықты.
Әр кәсіпорын өз аталымдары бойынша үздік болуға лайықты. Батысқазақстандық кәсіпорындардың бәсекеге қабілеттілігін арттыруды көздеген байқауда үш аталым бойынша ең мықтылар таңдалды.
Жеңімпаздарды марапаттаған облыс әкімінің орынбасары Мержан Сатканов дәстүрлі көрменің соңғы он бес жылда өңіріміздегі кәсіпкерліктің дамуына серпін бергенін атап өтті. – Бизнесмендеріміз жыл сайын аталмыш көрмеге ерекше қызығушылықпен қатыса бастады. Бұл жолы да кәсіптері «қаз тұрған», болашақта бизнесі өрлеуі тиіс кәсіпкерлер қатары көбейгенін байқап отырмыз. Жыл сайын көрме байқау жеңімпаздарын республикаға жолдаймыз. Осы орайда «Агропродукт», «Кублей», «Орал сауда-өнеркәсіп кешені» кәсіпорындары ҚР Президентінің «Алтын сапа» сыйлығын иеленіп, біздің облысымызда жақсы бизнес жасауға болатынын дәлелдеді. Бізде әр түрлі бағытта жаңа идеялар мен мүмкіндіктер мол екеніне куә болдық, – деген Мержан Мұнайдарұлы жеңімпаздарды марапаттады.
Сонымен «Өндірістік мақсаттағы үздік тауарлар» аталымы бойынша қалалық мәслихат депутаты Валерий Крылов басшылық ететін «Орал сауда-өнеркәсіп компаниясы», «БатысМұнайгазжабдықтары» (директоры Берік Сүлейменов), «БатысҚазақстан машина жасау компаниясы» (директоры Дәурен Сисенов) ЖШС-лары жеңімпаз деп танылды. Ал «Халық тұтынатын үздік тауарлар» аталымы бойынша «Надежда» ЖШС (Замир Ғалымжанов), «Конденсат» АҚ (Нұрия Муфтеева), «Мария ханым» сән үйі (Жұлдыз Құспанова) жеңімпаздар қатарын толықтырды. «Үздік азық-түлік тауарлары» аталымы бойынша «Балзия» ЖШС (Балзия Евенеева), «Каверина» ЖК (Светлана Каверина), «Родник» ЖШС (Лилия Хайруллина) жеңімпаз атанды.
Жеңімпаздар арнайы дипломмен, «Қазақстанның үздік тауары» ескерткіш белгісімен марапатталды.
ҚР «Атамекен» Ұлттық кәсіпкерлерпалатасының өкілі Мәдина Мукатова, Батыс Қазақстан облысы кәсіпкерлер палатасының директоры Сәкен Карин жеңімпаздарды құттықтап, көрмеге белсенді қатысқан мекемелерге алғыс хаттар табыстады.
Версия для печатиСоңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу