КіруҰЛТТЫҚ МЕРЕКЕ – ҰРПАҚҚА ӨНЕГЕ
Шұғылалы көктемнің жарқын мерекесінің бірі – жыл басы Наурызды Республикалық жоғары техникалық колледжінің директоры Сайра Умирбаева бастаған ұжым мен студенттері ерекше салтанатпен қарсы алды. Бұл күні колледж аудиториялары ұлттық нақышта безендіріліп, көрмелер жасақталған. Колледждің әр қабатында әр факультет студенттері ұлттық тағамдардан дастархан жайып, ұлттық өнерімізді насихаттап, қазақтың салт-дәстүрін жаңғыртты.
«ҚазИИТУ» ғылыми-білім кешенінің құрылтайшысы Ақсерік Әйтімов баршаны Ұлыстың Ұлы күнімен құттықтап, береке-бірлік, татулық тілеп, жастарға ақ батасын берді. Колледждің алтыншы қабатында құрылған киіз үйге енген қонақтар ақтан ауыз тиіп, салт-дәстүрлерімізден сыр шертіп, жастардың санасына рухани нұр септі. Сондай-ақ жиналғандар «Наурыз хикаясы» сюжеті негізінде студенттердің қойылымын тамашалады. Өнерлі студенттердің бірі күмбірлете күй шертсе, енді бірі әр ұлттың биін билеп, көпұлтты бауырына басқан еліміздің татулығы мен жарасымды бірлігін үлгі етті.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу