КіруМҰҒАЛІМДЕР ҮШІН АҒЫЛШЫН ТІЛІ КУРСТАРЫ ТОҚТАТЫЛДЫ
Мектептерде физика, химия, биология және информатика пәндерін ағылшын тілінде оқытатын мұғалімдерді курстар арқылы даярлау тоқтатылды. Бұл туралы бүгін Үкімет үйіндегі баспасөз мәслихатында ҚР Білім және ғылым министрі Күләш Шәмшидинова айтты, деп хабарлайды ҚазАқпарат тілшісі.
Министрдің айтуынша, бүгінде еліміздің мектептерінде физика, химия, биология және информатика пәндерін 11 мың мұғалім ағылшын тілінде беріп отыр. Олар алдымен 3 айлық, кейінен 8 айлық тіл курсында білім алған.
«Келесі жылдан бастап мұғалімдерді айлық курстан өткізетін қаржыны педагогикалық ұйымдарға жұмсайтын боламыз. Яғни, педагог мамандардың университет қабырғасынан тіл меңгеріп шығуына бағыттаймыз. 2016 жылы алғаш рет ағылшын тілінде сабақ беретін мұғалімдерді дайындауға мемлекеттік тапсырыс берілді. Алғашқы 1200-ге жуық түлек 2020 жылы бітіреді. Сондықтан мұғалімдерді оқыту курстары тоқтатылды», – деді ол.
Оның айтуынша, балаларды үш тілде оқыту біртіндеп, мұғалімнің және мектептің дайындығына байланысты жүргізіледі.
«Бұл жерде «алдыға жан салмай проблеманы шешеміз», деп жүгіріп бара жатқан ешкім жоқ. Рет-ретімен жасаймыз», – деді Күләш Шәмшидинова.
Версия для печати
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу