КіруОРАЛДА БОЙЖЕТКЕН ӨЗІНЕ ҚОЛ ЖҰМСАМАҚ БОЛДЫ
Батысқазақстандық құтқарушылар өзіне қол жұмсамақ болған 23 жасар қызды құтқарды.
Оқиға 28 ақпан күні болған. БҚО ТЖД Жедел-құтқар жасағының бас құтқарушы-психологы Л. Әбдрахманованың мәліметінше, Ол құрбысына өмірмен қоштасқысы келетінін жазып, түн ортасында хабарлама жолдаған. Құрбысы дереу Батыс Қазақстан облысы Төтенше жағдайлар департаменті Жедел-құтқару жасағының кезекші-диспетчерлік қызметіне хабараласып көмек сұрайды.
Жедел шақыртуға №3 құтқару бөлімшесінің бас құтқарушысы Нұрбек Тауашев, құтқарушылар Бекжан Айтқалиев және Болатбек Сартаев жіберілген. Алайда, оқиға орнына жеткен құтқарушылар үй есігінің іштен құлыпталғанын анықтады. Қыз бала тұрмыстық газды ашық қалдырып, өзін өлімге қимақ болған. Есікті ашқан құтқарушылар еденде ес-түссіз жатқан қызды дереу балконға шығарып, полиция қызметкерімен бірге алғашқы медициналық көмек көрсетеді.
Реанимациялық әрекеттер нәтижесінде қыз бала есін жиды. Кейін құтқарылған жедел жәрдем бригадасына тапсырылды.
Құтқарушылар пештің газын сөндіріп, жиналған газдан пәтерді және кіреберісті желдету бойынша іс-шаралар өткізді.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу