КіруҚАР МЕН СҮҢГІ МҰЗДЫ ТАЗАЛАМАҒАНДАРҒА ӘКІМШІЛІК ХАТТАМА ТОЛТЫРЫЛДЫ
Жылымық түскен кездегі бірінші кезектегі міндеттердің бірі ғимараттардың шатырларын қар мен мұз сүңгілерді тазарту болып табылады. Осыған байланысты Батыс Қазақстан облысында көп пәтерлі үйлердің, мекемелердің, кәсіпорындардың, сауда орындарының шатырларын қардан, мұздан және сүңгілерден уақтылы тазалауды бақылау бойынша рейд жүргізілді.
Оған тұрғын үй-коммуналдық шаруашылық және тұрғын үй инспекциясының қызметкерлері, жергілікті полиция қызметінің қызметкерлері, төтенше жағдайлар департаментінің қызметкерлері қатысты.
Рейд барысында көп пәтерлі үйлердің аулалары мен кәсіпорындардың қасбеттері тексерілді. Қызметкерлер бірқатар бұзушылықтарды анықтап, әкімшілік хаттамалар толтырды.
Рейдтік іс-шаралар барысында шатырлардың тазалануына бақылауды күшейту, жаяу жүргіншілердің жарақаттануын болдырмау үшін аумақты қоршау қажет екенін атап өтті. Бұл жерде сауда нүктелерінің, дүкендердің, білім беру және денсаулық сақтау мекемелерінің иелері тазалыққа ерекше назар аударуы тиіс.
БҚО ТЖД Төтенше жағдайларды жою бөліміоблыс тұрғындарын қар жаууына және ауа температурасының ауытқуына байланысты, тұрғын үйлердің, ғимараттардың шатырларынан, қалқалардан, күнқағарлардан қар мен мұздың түсу ықтималдығы артқанын ескерте отырып, үйлердің жанынан өткенде сақтануға шақырады. Әсіресе, төбесінде қар ернеулері бар болса, аса қауіпті. Қайғылы жағдайларды болдырмау үшін мұндай учаскелерде тез өтіп кетуге тырысу керек. Қар мен мұздың жиналуы немесе шатырды тазалау жұмыстарын жүргізу туралы ескертетін қоршауларды ескеріп, қауіпті аймақтың ішінен өтпеу қажет. Балалар үшін де үй қабырғасына жақын жерде серуендеу қайғылы салдарларға әкелуі мүмкін.
«Жайық үні»
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу