КіруКОММУНАЛДЫҚ ҚЫЗМЕТТЕРГЕ – ЖАҢА ТҮБІРТЕК
Жаңа жылдан бастап барлық коммуналдық қызмет тарифтері төмендегені белгілі. Төмендетілген тарифтерді тұтынушылар ақпан айында берілетін түбіртектерден көретін болады. Бұл туралы бүгін Табиғи монополияларды реттеу, бәсекелестікті және тұтынушылардың құқықтарын қорғау комитетінің Батыс Қазақстан облысы бойынша департаментінде «Коммуналдық қызметтерге төмендетілген тарифтерге тұтынушылар алатын түбіртектер туралы түсіндіру» тақырыбында өткен брифингте мәлім болды.
Брифингке «Жайықжылуқуат» АҚ, «Батыс су арнасы» ЖШС, «Батыс Энергоресурсы» ЖШС, «ҚазТрансГаз Аймақ» АҚ БҚФ, «Ақсайжылуқуат» МКК өкілдері қатысып, туындаған мәселелер бойынша түсініктеме берді.
«Батыс су арнасы» ЖШС-ға сумен жабдықтау бойынша бұдан бұрын 1 текшеметр үшін – 47,02 теңге төлеген болсаңыз, енді төмендетілген бағамен 45 теңге төлейсіз. Сол секілді «ҚазТрансГаз Аймақ» АҚ-тың газбен жабдықтау бойынша тарифі 1 метр кубқа – 17,87 теңгеден 17,24 теңгеге арзандаған. «Жайықжылуқуат» АҚ жылудың 1 Гкалы үшін 4524,31 теңге болатын тарифін 4060,39 теңгеге қысқартып отыр. Ал жылыту үшін 1 шаршы метр құны 142,52 теңгеден 127,2 теңгеге азайған. «Батыс Энергоресурсы» ЖШС электр қуатын тұтынғаныңыз үшін 1 квт/сағатты бұдан бұрын 11,57 теңгемен есептесе, қазір бұл баға 10,42 теңгеге төмендеді. Айта кету керек, жалғыз тұратындар зейнеткерлер, мүгедектер, Ұлы Отан соғысының қатысушылары және оларға теңестірілген тұлғаларға, сондай-ақ электр плиталарын пайдаланбайтын тұтынушыларға арнайы жеңілдіктер қарастырылған.
Жиында қызмет көрсетуші серіктестік өкілдері тұтынушылар ақпан айында төмендетілген тарифтермен қандай түбіртектерді алатынын түсіндірді.
Кәусар БАЙҒАЛИЕВА
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу