КіруСУ ТАСҚЫНЫ КЕЗЕҢІНЕ ДАЙЫНДЫҚ БАСТАЛДЫ
Батыс Қазақстанда көктемгі су тасқыны кезеңіне дайындық басталды. Су тасқынын апатсыз өткізуге бағытталған кешенді шаралар әзірленген.
Батыс Қазақстан облысындағы «Казгидромет» филиалының ақпараты бойынша қардың биіктігі орташа көпжылдық көрсеткіштен 1,5-тен 3 есеге дейін көп. Тоңның қатуы орташа көрсеткіші 30-40 см. Бұл былтырғы жылғы мәннен 60 см. төмен.
Қардың көп түсуіне байланысты елдімекендерге мал азықтарын жеткізу және шағын елді мекендерге, мал қыстақтары мен мал азығы жинақталған орындарға көлік қатынасы мәселелері туындады. Үш аудан (Қазталов, Бөкейорда және Жәнібек аудандары) әкімдері жергілікті ауқымдағы табиғи сипаттағы төтенше жағдай жариялады.
БҚО ТЖД бастығы, генерал-майор Ж.Жұмашевтың айтуынша, аудандардың шұғыл шығындарға арналған резервінен ЖЖМ сатып алуға қаражат бөлінді. Облыс орталығынан жол техникасы (жүк тиегіш – 3 бірлік, 1 бірлік) жолданды. Қосымша мал азығын жеткізу РФ шекаралас аудандарынан және облыс орталығынан жүзеге асырылады. Бүгінгі күні жолдарды қыстауға дейін тазалау жұмыстары жалғасуда. Ауыл шаруашылығы жануарларының шығынына жол берілген жоқ.
Күзгі-қысқы кезеңдегі төтенше жағдайдың алдын алу жоспарына сәйкес, су тасқыны кезеңіне дайындық бойынша бастапқы іс-шаралар өткізіледі. Бүгінге дейін шығарылған қар көлемі 500 мың текше метрден асты. Бұл жұмыс жалғасуда.
Су тасқынын апатсыз өткізуге бағытталған кешенді шаралар әзірленіп және жүзеге асырылуда.
Өңірдегі 58 гидротехникалық құрылыстардың ішінде 7-і жөндеуді қажет етеді. 2018 жылы Теректі ауданы Қараоба өзеніндегі гидротехникалық құрылысты күрделі жөндеу бойынша ЖСҚ әзірлеу басталды. Коммуналдық меншіктің үш гидротехникалық құрылыстарын республикалық меншікке беру жұмыстары жүргізілуде.
2018 жылы облыстық бюджеттен Орал және Қара Өзен өзендерінің су қорғау аймақтары мен белдеулеріне ЖСҚ әзірлеуге қаражат бөлінді.
Облыстық резервте қаптар (93 мың дана) мен ЖЖМ (63т) қоры құрылуда. Қап пен ЖЖМ сатып алу жұмысы жалғасуда. Сондай-ақ, ғарыштық мониторинг жүргізу, авиациялық көлікті тарту және жарылыс жұмыстарын жүргізу үшін қаражат көзделген. Облыстық сауда қызметімен 12 келісімшарт жасалды, бұл бағытта да жұмыс жалғасуда.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу