КіруДЕРКӨЛДЕ ҮШ АУЫСЫМДА ОҚУ ТӘРТІБІ ЖОЙЫЛДЫ
Қала іргесіндегі Деркөл елдімекенінде өткен жылы 600 орындық екі мектеп пайдалануға берілді. Бұл кенттегі №12 орта мектептің жүктемесін азайтуға септігін тигізді.
Орал қаласы білім ұйымдарында оқушылар саны жыл сайын артып отыр. Өткен оқу жылмен салыстырғанда 2018-2019 оқу жылы 3497 оқушыға көбейген. Сәйкесінше, мектептер қажет еткен Деркөл елдімекеніндегі екі мектеп салынды. Бүгінде «Сарыарқа» шағын ауданындағы №49 мектебінде 902 оқушы, «Көкжиек» шағынауданындағы №48 мектепте 543 оқушы білім алуда. Қос мектеп жанында 100 орындық шағын орталықтар жұмыс жасайды.
– Жаңа мектептердің ашылуымен Деркөл кентінде 3 ауысымды оқу тәртібі толығымен жойылды. Мысал ретінде айта кетсек, №12 мектепте бұрын 1912 оқушы оқыса, қазір 1040 оқушыға қысқарды. Бұл – білім сапасының артуына тікелей әсер ететіні сөзсіз, – деді қала әкімі Мұрат Рахметұлы.
Сондай-ақ екі мектептің ашылуымен 250-ге жуық адамға жұмыс орны ашылып, тұрғындар жұмыспен қамтылды.
Елмұра АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу