Кіру«ENGLISH FOR JASTAR»: 500 ОҚУШЫҒА АҒЫЛШЫН ТІЛІ ҮЙРЕТІЛЕДІ
«Нұр Отан» партиясы «Жас Отан» Жастар қанаты БҚО филиалы 500-ден астам оқушыны ағылшын тіліне оқытуды мақсат етіп отыр. Бүгінгі таңда Қаратөбе, Бәйтерек, Теректі, Шыңғырлау аудандарында «English for Jastar» жобасының шеңберінде 8-11-сынып оқушыларына арналған тегін факультативтік курстар қаңтар айынан бастау алды.
Жоба Елбасы, «Нұр Отан» партиясының төрағасы Н.Ә.Назарбаевтың тапсырмасы шеңберінде іске асып жатқан «үштілділікті енгізу» жөніндегі ауқымды бағдарламаны қолдау бағытында дайындалды. Өткен жылы облыстың 6 ауданында жүзеге асып, 600-ге жуық оқушы Elementary, Pre-Intermediate деңгейлерін меңгеріп, оксфордтық құрал жиынтығымен білімдерін жетілдірген болатын.
Басты мақсат – оқушылардың ағылшын тілін меңгеру деңгейін арттыруға және қарым-қатынас машығын жақсартуға көмектесу. «English for Jastar» жобасы 2 ай бойы жүргізіледі. М.Өтемісов атындағы БҚМУ мен Ж.Досмұхамедов атындағы жоғары педагогикалық колледж сонымен қатар Орал гуманитарлық-техникалық колледжінің «Шетел тілі» мамандығының болашақ ұстаздары ерікті түрде ауыл балаларын ағылшын тіліне үйретуде.
Сонымен қатар алдағы уақытта тегін курстан өтіп жатырған балалар арасында дискуссиялық еркін алаңдар мен «Болашақ» бағдарламасының түлектері тілдік қабілеттерді дамытуға бағытталған дәрістер өткізеді деп жоспарлануда.
Ерлік Шамғалиев, «Жас Отан» ЖҚ БҚО филиалы төрағасының орынбасары
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу